冬至獨孤一味

下午臨時跟家姐姐夫車去大棠賞楓
賞下影下到唔捨得走, 連日落都想睇埋
晚餐就變得簡簡單單囉
好彩冰箱有炆好的海參冬菇儲備
返熱後加安記鮑魚仔, 灼小棠菜放底
冬至獨孤一味, 攪掂

粟米魚肚羹、薑蔥蝦改天再補償!

大棠楓葉

第一次到大棠賞楓

中泰晚餐

昨日見網友阿肥整泰式"冬蔭功海鮮螺絲粉"好吸引,
好耐無煮至愛的泰菜了,  其實所有泰菜都愛, 可惜街外吃的太重口味. 
全日天陰陰又落微微細雨, 完全無動力, 唔想換衫落街, 
晚餐就用雪柜物資整左"黃咖哩海鮮"

先煮少許椰槳至油槳分離, 加極少極少泰國黃咖啡醬略炒

Beurer UB33 電毯

越來越唔襟凍, 而季候風又一個接一個, 
清晨早操時風勢特別強勁, 有時好似打緊風球咁, 
都唔知係晨早食左西北風, 還是係日間補眠時中招,
所以近排早上遲左出動, 遲又有遲的好,
做運動之餘可以曬下個人, 順便又曬下我的珍珠蕃茄仔,
冬天陽光真係好舒服

香蕉麵包蛋糕

很高興, 家姐囡囡中學畢業了, 更值得高興係她能夠順利升讀心儀的大學, 學習有興趣的科目, 除了個人用功努力外, 信相得到校長推薦信也有點點幫助. 
早前知道她收到中學信件通知出席畢業典禮, 領取個人3個獎狀, 並作為班代表上台領取畢業證書, 一個既開心又難忘的日子, 但我竟然忘記確實日期, 前日早上臨時用家中物資做左個"香蕉麵包蛋糕", 晚上送給她, 希望給她小小驚喜. 

麵包: 香蕉蓉
餡料: 洋蔥薯蓉
裝飾: 紫薯粉

外星八爪魚

材料: 紫蕃薯粉+蕃薯蓉

粟米芝士包

花花造型包+半份玉桂吐司, 包面都係灑高粉較為合心意

 

海鮮灼蒸蒸

昨晚預早慶祝葉先生生日海鮮餐, 三鮮一湯

鮮檸灼海蝦, 半斤50大元

芝士蘑菇包

難得葉先生話味道唔錯, 仲有3隻蘑菇, encore!

芝士蘑菇罌粟籽包

葉先生主動話依個包包味道唔錯, 呵呵!

芝士蝴蝶結

再試蝴蝶結, 但係沒有掃油, 中間無法打開

蒸魚,蘆筍,蜆湯

簡簡單單, 2餸1湯

耕種材料預備~補光燈工具

由於8月份開始, 陽光路線開始逐漸偏離我家, 日照時間大大縮減, 原先上午客廳窗台有半日照時間, 到10月陽光完全轉移到睡房窗台, 有大約2小時, 可惜不足一尺位置. 
明顯光照不足下, 蔬菜苗追光變得瘦瘦長長, 上網查資料可以嘗試加燈補補光, 有T5燈、普通光管、燈泡、LED、書枱燈、鹵素燈、植物燈......睇完已經頭暈, 再加上耗電量、光亮度、色温, 一舊雲再加一舊雲, 最後交比葉先生.

昨日到深水埗鴨寮街買燈及配件 
USB LED燈5W, 色温約5,000k, 即係白光, 每支$49
USB 延長線, 每條$5
黑色雙頭夾, 每個$15

蒜蓉豆渣包

足足2年無再整蒜蓉包

大細狗

上年做過的大狗細狗, 依家想食熱狗的話就要走腸仔, 其實食素狗都應該好唔錯, 好, 揾日要試下.

圓肉杞子包

有次做16粒, 包入杞子、rum酒浸龍眼肉
粒粒都唔圓 
我估應該混入圓肉杞子後才分割滾圓會較好操作

蝴蝶結

執相發現好多倉底貨, 這個一直想重做的, 唔講看得出係蝴蝶結嗎?

麵包蟹

  麵包扮蟹?  扮麵包蟹?  蟹扮麵包?

芝麻葉豆渣卷蛋

You Tube 見日式玉子燒做法要一層一層蛋汁加上去, 影片中那位師父同時處理6個玉子燒專門用具, 好勁.
而我依個唔係玉子燒, 因為只得一層厚蛋汁及用普通煎pan, 所以係卷蛋, 加左芝麻葉及豆渣的卷蛋.

自家豆漿涼麵

今日簡單自家凍豆漿+涼麵

連續幾日都無陽光 
天陰陰 
個人特別懶洋洋
所以 
下午就想偷懶唔去做氣功
想下姐.....

沖繩超市~羊棲菜(羊栖菜)

羊棲菜, 日語: ひじき, 涼拌小菜, 响沖繩餐店都食過, 回港後上網睇下點樣處理, 估唔到羊棲菜既含豐富海藻類營養, 但同時亦含毒性高的無機砷, 攝入大量會引致腸胃不適、貧血和損害肝臟 . 香港食物安全中心唔建議市民食用, 雖然其他網上資料有話只要多次浸泡、加熱、清洗, 可以去除部份砷, 但同時也會流失鈣及鐵, 咁, 平常人無必要就唔好食喇, 我更加唔好食, 成包掉左佢.  

蒸魚一人前

食魚好怕哽魚骨, 都係買魚塊最好, 無骨啖啖肉, 照平時魚佬敎用蒜蓉豆粉蒸, 但今次佢唔得閒幇我切片, 返黎自己用刀仔切到又大又細

沖繩8天自駕遊2014(秋)~手信購物

買下買下都買左一堆返黎, 實用居多^^

無聊哈佬喂!

芝麻葉懷石料理

因為太愛芝麻葉, 愛到咩菜式都想加入去, 已經試過拌飯、包飯、拌意粉、pizza、沙律、夾麵包...有時間再詳細分享.
依日又想以芝麻葉為主做個簡單小菜套餐，點知加下一樣，加下又一樣，左搭右搭亂亂做都幾好玩, 除左個廚房攪到七國咁亂, 同埋有好多碟要清洗; 最後整出一桌唔正唔宗的芝麻葉懷石料理. (個名都幾好聽, 查實得一味入菜, 其餘都係用黎墊底襯托^^)

半兩生菜

種左73日的生菜, 大大小小有12棵, 好似好多, 其實總重只有14g, 半兩都唔夠, 唔知幾時可以出編九兩菜? 

3/10/2014 洗淨試食一塊菜葉, 脆嫩無苦味, 其實可以用黑醋橄欖油做沙律菜, 但瞓醒出門旅行, 都係熱食較好, 所以清炒左一大碟

22/7/2014 生菜 (3/10/2014 收割)

22/7/2014 種子用温水浸10小時, 中途換一次温水, 夜晚播種, 無使用育苗盆方式, 種子直接放到大菜盆的一邊後封蓋保濕
25/7/2014 第3日, 開始發芽

沖繩超市~料理

沖繩自駕遊時, 在超市購買返黎的幾樣蔬菜, 煮左以下幾味東東......

一人前, 苦瓜炒蛋, 黑醋水雲
沖繩苦瓜的甘苦味唔會太強烈,  感覺較易入口

沖繩8天自駕遊2014(秋)~超市蔬菜

自由行最開心去逛各大小超市, 但糖果、朱古力、菓子、薯片、腸仔、雪糕、罐頭、醃漬物....全部唔食得, 睇左又無得買又無得食, 所以每次都唔鬼睇相關部份區域, 慳返唔小腳力睇其他的.
雖然家人嚴禁我購買日本食物, 但沖繩本土出產除外!
好, 集中火力, 買餸 ^^

沖繩8天自駕遊2014(秋)~行程

繼續跌! 繼續跌! 氣溫同匯率一樣繼續向下跌! 

再次到訪沖繩, 今次行程好輕鬆, 有姐夫做司機領隊, 家姐做導遊, 我同葉先生做團友.
確定期假及預定機票酒店後, 才知道回程日是那霸祭, 能否體驗唯有隨緣.

遇上強颱風"巴蓬", 希望行程順順利利.
更希望, 返港之時已圓滿解決佔中問題, 剛剛旺角的混亂場面實在令人不安.

迷你海鮮鍋

早前見Blog 友阿肥的"木瓜花甲蟹湯"真係好吸引.....
加上近日完成首爾Day5遊記，行程當晚亦是吃海鮮鍋，整理相片時再次引起食慾.....
再加上葉先生為左我的健康，完成了一個長齋期.....
為了滿足食慾，為了答謝葉先生，我也來一個海鮮鍋。

首爾櫻花2014 Day5

07 Apr 2014 day 5 ~ 石村湖賞櫻, 永登浦地下街

依朝自制Issac三文治早餐

海帶湯, 涼拌海帶

海帶, 強鹼性食物, 食療價值非常高, 而表面白霜即甘露醇, 可利尿去腫, 經常食用對身體健康大有好處.

含褐藻膠、硒: 有抗癌作用, 尤其甲狀腺癌、乳癌及大腸癌
含岩藻多糖    : 食物纖維促進腸蠕動, 防止便秘
含大量碘        : 可預防和醫治甲狀腺機能減退、降血脂及血管硬化
注意: 脾胃虛寒、便溏不實, 不宜多吃


黑豆海帶素湯
材料: 黑豆、海帶、馬蹄、甘荀、薑片

秋葵煎蛋餅~豆渣

平時食秋葵會原條白灼, 或者切件滾味曾湯, 切件煎成蛋餅都唔錯，同樣唔覺唔覺咁食得到滑潺黏液, 今次加入埋豆渣, 蛋餅只係帶點結實, 唔覺唔覺咁食埋營養豐富的豆渣.

潺菜味曾湯

有益唔一定好味! 唔一定啱口味! 
前排買左半斤潺菜試食, 名副其實, 真係滑潺潺, 清炒比秋葵更潺, 平時食秋葵緊緊頂得住, 依個潺菜真係頂佢唔住, 唔想浪費免強食晒, 隔天浸洗剩餘的一半黎滾湯, 滑潺黏液溶入湯中感覺好dd.

材料:  潺菜、秋葵、海帶、味曾
先煮海帶湯底, 之後加入潺菜、秋葵、味曾續煮2分鐘熄火.

香蕉餅乾

參考Carol做法, 加入麥粉及提子乾, 減去糖份, 成為我的健康無糖小食, 成品帶點硬脆, 下次嘗試少焗5分鐘.

鮮茄燴通粉+雙茄牛油果沙律

前日打風無落街市, 夜晚食快餐!

新鮮蕃茄+香草燴通粉, 簡單用黑椒鹽調味, 酸味味好開胃
泰國紅車厘茄鮮脆+荷蘭黃珍珠茄清甜, 各有特色, 加埋紅甜椒及牛油果, 拌入檸檬汁黑醋欖油黑椒鹽, 簡簡單單又一餐.

紅莓合桃麥包~豆渣

  買左豆漿機後, 豆渣用不完.

栗蓉捲包~豆渣

圓形桂林錐栗子好粉好甜

三菇素雞, 蕃薯苗, 栗子腰果素湯

太耐無煲湯了, 早兩星期都買到靚栗子想話煲湯, 但因天氣太熱, 最後改做栗子蓉整左栗蓉捲包.
星期一"海鷗"到訪, 氣溫稍降, 果朝街市栗子阿叔又有新貨到, 圓形桂林錐栗子好粉好甜亦好易散, 今次真係用黎煲湯.

素中秋

中秋夜
韓式素鮑魚拌飯+竹笙粟米素湯

3兩小松菜

早幾日收割左第一次種的小松菜, 耕種50天, 只有101g, 雖然3兩都唔夠, 但都分左3份處理

芝士粟米包~豆渣

豆渣麵糰第一次發酵後, 分割滾圓靜止10分鐘, 
幹平上料, 芝士及鮮粟米粒
卷起筒狀, 切開2份, 切口向上用手心略按壓

豆漿涼麵

夏日炎炎最好食涼麵
用九陽豆漿機煮好豆漿雪凍儲備 
唔想煮飯的話, 煮2條麵加碟菜又一餐. 

楓糖紅苺肉桂包~豆渣

 

上個月買左部九陽豆漿機, 試左幾個功能, 做過幾款口味豆漿、粟米濃湯、南瓜濃湯、南瓜粥, 部機最好係唔洗睇火, 又唔怕滾瀉好方便, 而將豆漿隔出黎嘅豆渣做麵包都好唔錯, 麵糰無落老麵無加雞蛋都好軟熟.

潮州煎蠔餅

以前細個最鐘意亞媽煎蠔餅, 因為果餐就唔會煮飯唔洗食飯, 我哋會輪住等, 亞媽一路煎我哋一路食, 一人一大塊自己食, 唔洗爭, 多蔥多芫茜多蠔仔多雞蛋, 妤好味.
果時的蕃薯粉來自家鄉親人自家磨好乾淨的, 記得市售的蕃薯粉都好污濁, 開水後灰灰黑黑又多雜質, 唔敢食成包掉左, 無得食好失望架, 依家一般質素已經唔太差. 

阿宗麵線

早幾晚J2旅遊節目"80後遊世界"去台灣, 主持人行夜市食阿宗麵線, 葉先生話想食, 我都想! 

材料: 蠔仔、甘荀、雲耳、金菇、全蛋麵、昆布、芫茜
調味: 豉油、鹽、黑醋、胡椒粉、馬蹄粉、麻油

防癌蔬果汁2014 (上)

6月份高雄自由行逛書店購買的其中一本特價書~防癌蔬果汁, 書中提及美國國家癌症研究所一位醫學博士認為"大量攝取蔬菜和水果的人, 罹癌機率只有少量攝取的人的一半", 另外, 在美國西雅圖進行的調查也得到"一週喝超過三杯蔬果汁的人, 相較一週喝低於一杯的人, 阿兹海默病(即老年痴呆症)發作的風險降低了百分之七十六", 而加拿大多倫多大學的研究結果, 指出蔬菜生果含有維他命及礦物質, 將蔬菜生果打汁較直接吃更能提高血液中抗氧化的效果, 適度加入蔬菜生果的皮莖葉, 能攝取提升免疫力的植物化學素. 而植物化學素對防老年痴呆症及防癌有相當的功效.

芝士紅豆+黑芝麻豆渣包

上星期整左一口砵仔糕, 留起粒粒紅豆, 加埋整黑芝麻豆漿留起豆渣, 做左紅豆豆渣包, 葉先生話包包好軟熟, 但太少紅豆.