阿宗麵線

早幾晚J2旅遊節目"80後遊世界"去台灣, 主持人行夜市食阿宗麵線, 葉先生話想食, 我都想! 

材料: 蠔仔、甘荀、雲耳、金菇、全蛋麵、昆布、芫茜
調味: 豉油、鹽、黑醋、胡椒粉、馬蹄粉、麻油


用昆布煮湯底, 之後取出昆布調味做涼拌菜.
(昆布屬強鹼性食物, 多吃有益)
昆布湯底加豉油、鹽、黑醋、胡椒粉調味

湯底配菜除左基本甘荀、雲耳, 仲有金菇
配菜煮熟後, 用馬蹄粉收緊湯底

用左全蛋麵代替台灣紅麵線, 另一鍋水煮1分鐘後浸凍水, 略為剪短加入湯底中煮熱,  蠔仔洗淨最後加入煮熟.
上碗加入芫茜、麻油

大腸唔啱食, 有蠔仔就夠晒味, 但葉先生齋戒月, 蠔仔都無食.