沖繩8天自駕遊2014(秋)~超市蔬菜

自由行最開心去逛各大小超市, 但糖果、朱古力、菓子、薯片、腸仔、雪糕、罐頭、醃漬物....全部唔食得, 睇左又無得買又無得食, 所以每次都唔鬼睇相關部份區域, 慳返唔小腳力睇其他的.
雖然家人嚴禁我購買日本食物, 但沖繩本土出產除外!
好, 集中火力, 買餸 ^^

紫蕃薯粉, 中國產沖繩加工, 有沖繩2個字, 買得.
上次沖繩遊都有買, 雖然蕃薯味唔突出, 但美美的紫色確難抗拒. 

鹽, 種類品牌多, 買100%沖繩海水製就無錯

乾海藻, 與那原產(含毒性高的無機砷, 已掉左)

本菇, 金武町產

水雲, 買左一包, 最後一朝諗諗下又買一包
水雲俗稱海髮菜或日本髮菜, 屬藻類含豐富鈣質鐵質及多種維他命, 有效抑制癌細胞增長, 消滅O-157大腸桿菌. 

金菇, 金歸仁產

苦瓜

露地小松菜, 真樣原來咁大棵, 我响窗台耕種的有機小松菜只可以叫做苗.

水芹 



昨晚回港, 今日仍可品嚐沖繩出產料理, 哈哈. 
簡單午餐: 

蒜粒炒小松菜

蒜粒蒸魚塊

水芹紫菜豆腐麵豉湯

有時間再詳細分享.