三菇素雞, 蕃薯苗, 栗子腰果素湯

太耐無煲湯了, 早兩星期都買到靚栗子想話煲湯, 但因天氣太熱, 最後改做栗子蓉整左栗蓉捲包.
星期一"海鷗"到訪, 氣溫稍降, 果朝街市栗子阿叔又有新貨到, 圓形桂林錐栗子好粉好甜亦好易散, 今次真係用黎煲湯.

栗子腰果素湯
材料: 栗子、腰果、馬蹄、白豆、甘荀、冬菇、蜜棗、果皮

蕃薯苗
以前好少食, 知道蕃薯苗與蕃薯一樣咁有益, 上桌率就多左好多.

三菇素雞
素雞切片略煎, 草菇預先用薑片飛水, 回鑊用薑片同本菇金菇略炒, 加素冬菇蠔油、黑椒粉調味, 埋獻.