名古屋8天自由行2012 Day 3

名古屋8天自由行 01 Sep ~ 08 Sep 2012 
03 Sep 2012 Day 3 ~金澤 
今天乘坐9:40分長途巴士往金澤, 
預早吃過簡單早餐

到front desk 寄存一件大行李,
順便交帶酒店職員我們在阿馬遜網購了物品,
請代收貨物.
之後帶著一個細行李步行往地下鐵站,
由榮駅到名古屋駅只需2個車站(黃色, 東山線). 

2個車站後離開車箱, 站在月台, 車門正在身後關上時,
大家不約而同張開嘴巴,
你眼望我眼, 我眼又望你眼...........
情意綿綿? 含情脈脈? 
又唔是剛拍拖, 亦唔是新婚, 唔是! 唔是!  
是驚訝! 驚訝月台顯示為上前津站, 而唔是名古屋站.
頂!  搭錯線!  上錯車!  自然去錯月台! 上...前...津....#%!?#&

如何是好?
好多問題一湧而上.........
往金澤的巴士票可以退款嗎? 可以改乘下班車嗎? 有位嗎? 要補錢嗎?
深呼吸, 深呼吸, 要鎮靜!

上路面截的士, 又怕塞車, 又怕司機溝通有問題,
這個上前津站並不是轉線站, 無法直接通往名古屋站,
還是先返回起點再出發較為正路,
此時此刻, 真正係唔好急, 但要快, 
但是, 帶住個行李箱又可以有幾快?
若以JR鐵路的速度級別, 應該要特急的速度才可以趕及.

要返回起點並不是過對面月台就可以,
先到出閘機向職員簡單直接的說Nagoya Nagoya,
職員見我地個急樣又帶住個行李,
就知道有盲丙(遊客)搭錯車了,
於是在車票上蓋章放行,
由上前津站返回榮站,
再由榮站重新找往名古屋月台,
上上落落, 終於到達名古屋站,
好在昨天親自購買巴士票,
出閘後知道方向及巴士站位置,
特急速度下, 9:38分鐘趕到巴士站,
巴士非常準時地9:40分到站,
趕及上車, 總算是有驚無險.
車費每人Yen4,060

這班車只有10多個乘客,

坐位邊有電源提供, 方便叉電,

 
3小時45分鐘的車程各自消磨時間,
港產片, 好似係"車神".

2支烏卒卒Bonaqua當然唔係水, 係羅漢果水,
日常會準備羅漢果/菊花放入小袋,
方便在公司沖泡飲用,
出門旅遊更加需要,
因為瞓得唔好, 疲累, 喉嚨唔舒服就好容易發病.

咁就可以放心食下唔正唔經嘅熱氣野.


沿途風景.....

中途會停一個休息站,
有輕食, 有手信,有洗手間.

只是停15分鐘也要鎖車固定, 好認真.



追下韓劇"致美麗的你"

突然風起雲變.

到達金澤雨勢仍未停止, 



唯有先往JR車站內吃午餐.
車站外的地標 


八番麵屋

叉燒中華麵餃子餐Yen690

冷中華麵餃子餐Yen780

餐後到車站附近的"北陸鐵道"購買後天往白川鄉的巴士車票,

之後往酒店check in, 離車站3分鐘路程, 很方便. 
Hotel Econo Kanazawa Ekimae 金澤站前伊可諾酒店
2晚 HKD1,099 含早餐

Front desk 只有一位職員能說英語.  

房間有點舊式,


細小的雙人床, 剛好放置2個枕頭.

稍為休息一下後步行往近江町市場,
葉先生說不太遠, 大約2個足球場,
好吧, 行就行啦.

行左750m, 還有150m 到近江町市場.

市場附近有地下隧道連接.

 

買點小吃後往香林坊閒逛,

又聽葉先生說不太遠,
結果步行約20多分鐘,
唔知行左幾多個足球場!

行到快要日落.

香林坊

 

竪町商店行

超市, 又入去睇下有咩睇........

入夜後26度氣溫, 慢慢行, 唔太熱.

晚餐松屋

豚肉生薑燒定食Yen490

味曾炒茄子豚肉定食Yen580

在超市買左生果, 有負擔唔想再行.
乘巴士返往回金澤車站, 每人Yen200

拍拍車站夜景.

返酒店吃飯後果,
水蜜桃, 3個特價Yen399, 一整個香, 一整個甜.

半價宵夜小食


唔小得的杯麵  

明天21世紀美術館, 兼六園......

26-Aug-12 名古屋8天自由行 ~ 行程
01-Sep-12 名古屋8天自由行~Panasonic SD BMS104 麵包機
01-Sep-12 名古屋8天自由行 Day 1 ~ 名古屋空港, 榮駅週邊
02-Sep-12 名古屋8天自由行 Day 2 ~ 名古屋駅週邊, 大須商店街
03-Sep-12 名古屋8天自由行 Day 3 ~ 金澤, 近江町市場, 香林坊
04-Sep-12 名古屋8天自由行 Day 4 ~ 金澤, 21世紀美術館, 兼六園, 近江町市場, 茶屋街 05-Sep-12 名古屋8天自由行 Day 5 ~ 白川鄉合掌村, 高山市