名古屋8天自由行2012 Day 6 高山陣屋朝市

名古屋8天自由行 01 Sep ~ 08 Sep 2012  

06 Sep 2012 Day 6 ~高山市, 陣屋朝市, 宮川朝市 , 名古屋
 
上午落狗屎, 下午曬到屎.
起床梳洗後再到頂樓大浴場浸泡,
早上8時左右出奇的少人,
可能大家諗住早些小會較少人,
又可能守時的日本人要趕在9時前吃早餐.

一位正在梳妝快要離去,
一位剛浸泡完剛步出浴場,
只有我一個人, 包場了.
放心帶手機及小毛巾入浴場四維拍拍照.

大浴場睇真D...........
女湯入口設有密碼鎖, 男湯沒有.


先除拖鞋



設有鎖匙的小型儲物柜


有大蕂籃放置衣服


梳妝區設備齊全

溫差, 初時鏡頭有點霧氣, 好有情調
大浴場右手邊有開放式淋浴間,
企係到沖又得, 坐櫈仔沖又得,
有提供洗頭水及沖涼液.


左手邊有大桶冷水, 有大池及臥池

室外露天風呂浸泡區,
光脫脫, 早晚感覺一樣的有點寒涼,
昨晚好多人都係打開門望下就走, 
雖然有磨沙玻璃遮擋,
但磨沙玻璃底部有6-7吋沒有磨沙的,
方便坐下浸泡時可以向外觀賞.
雖然位置在頂樓,
附近有這麼高的大廈唔多,
情形係你又可以離遠望倒我,
我又望唔倒你. 


左邊一個方形大池,
這個昨晚在星空下,
用小毛巾遮遮掩掩浸泡過了,
感覺的確好唔錯,
幼想一下冬天飄雪情境更唔錯. 


右邊一個圓桶小池, 
進出圓桶有點危險感,
這個沒有嘗試浸泡.
日頭白白, 又凍又無安全感, 閃. 


係時候浸泡了, 寢湯, 好舒服.

早朝浸泡完, 餓上加餓. 




這個已隔渣的粟米湯, 又香又濃, 葉先生贊不絶口,
有空要自家泡制一下.


今早天色陰暗有雨, 
退房及寄放行李後,
先逛酒店附近的陣屋及陣屋朝市,
途中雨勢越落越大,
陣屋前的朝市只有十數攤檔

 
在陣屋門外避雨, 欣賞一下雨景

 


雨勢稍弱, 冒雨步行前往古宮朝市

宮川朝市

朝市旁的引水道

離遠睇見小鴨在喘急的河道上, 
以為有危險會發生不幸事件,
八八掛掛行落河道邊睇真D,
原來鴨群正在來來回回覓食中,
只係游動時有點吃力.

都市人, 少見多怪.




高山名物...五平餅 Yen200 

唔係好難食, 只係唔好食而且好飽肚, 好彩買左一塊.


小休一下, 順便修理雨傘,
無錯, 又壞雨傘,
這把是今年5月在沖繩壞雨傘時買的,
唔夠半年, 又壞了,
小問題, 只要每次橕開後用手扶正斷骨.
(回港買左一把可以免費修理傘骨的)



在一個小商場購買了飛驒拉麵



這個高山名物五平餅,
如果剛才沒有吃的話可能會購買.


快12時, 陸續收檔.


離開宮川朝市, 步行到附近的高山老街.

遇上一批學生購買飛驒牛肉串

有部份同學手上拿著橙色物體,
很吸引, 這個我要試.
原來是冰柑, 一個Yen100

小口小口品嚐.......
冰冰凍凍, 又酸又甜, 柑中帶點點苦澀, 
唔錯, 雖然有點貴.  
 

順便消滅未吃完的提子.


味噌產品, 只試吃, 沒有購買.

之後到高山市政記念館
免費入場, 順便參觀.

係都要伸隻手入鏡.

下午2時的午餐

餐後到車站更改提前返回名古屋巴士票.

完全放晴, 而且仲曬到屎屎下.

車站附近有2個無料足浴池.
這個並無設置洗腳區, 直接浸泡.

綠茶雪糕Yen300

返酒店取行李, 乘坐下午4時巴士, 
高山市往名古屋, 車程2小時30分鐘, 每人Yen2,900

沿途風景

將近返到名古屋時看見不知名建築物

到達名古屋, 乘坐地鐵往榮駅The B Nagoya Hotel,
好失望, check in 時竟然只有吸煙房間.
入房後就好開心, 因為網購的麵包機及吐司切割器正等著我們.

喜歡的大床


晚餐




叉燒拉麵餃子套餐Yen1,050

冷麵Yen580


二個汁醬, 一個辛辣, 一個醬油.


食完冷麵, 冰粒仍未溶解.



是日宵夜

明天大須商店街, 名古屋駅

26-Aug-12 名古屋8天自由行 ~ 行程
01-Sep-12 名古屋8天自由行~Panasonic SD BMS104 麵包機
01-Sep-12 名古屋8天自由行 Day 1 ~ 名古屋空港, 榮駅週邊
02-Sep-12 名古屋8天自由行 Day 2 ~ 名古屋駅週邊, 大須商店街
03-Sep-12 名古屋8天自由行 Day 3 ~ 金澤, 近江町市場, 香林坊
04-Sep-12 名古屋8天自由行 Day 4 ~ 金澤, 21世紀美術館, 兼六園, 近江町市場, 茶屋街
05-Sep-12 名古屋8天自由行 Day 5 ~ 白川鄉合掌村, 高山市