羊年一週

簡單迎接羊年, 
年二十九買咗2盆水仙, 
放在窗台, 大部份仍未爆花蕾,
有點緊張, 行出望下, 行入又望下,
檔主敎每天晒太陽換水及噴水,
葉先生同事敎用阿士匹靈,
我唔想用葯催谷!
上網揾資料, 除阿士匹靈外, 
用鹽亦可以催花及延長觀賞期, 
今年就試用鹽水, 效果唔錯

年三十, 薑蔥蝦 + 羅馬生菜鮑魚 + 粟米魚肚羹
最好味係食完蝦的配料, 薑蔥汁撈飯

貼揮春後唔小得的湯圓

大年初一全齋日, 煲劇日, 韓劇~未生
早餐, 椰菜蒸包

午餐, 耕田收割2棵櫻桃蘿蔔, 煮齋菜一碟

用盡每款齋菜食材劃咗一副畫!
給點想像力, 哈哈, 幾好玩! 

年初二, 茶樓團拜日, 餐前小點有姑奶自家年糕

晚餐清清地有豆漿湯麵

年初三, 回娘家拜年 
噢! 給對家截糊了

年初四, 蒸包大集會, 休息咗3日, 今日開始開工做運動

年初五, 車公廟, 祈求合家平安! 身體健康!

街頭難得一見的舞獅

年初六, 葉先生最後一日假期,  吃至愛泰菜, 到"水晶晶"下午茶

年初七, 人人生日, 記得以前老媽會煮一味"七樣菜"
有邊七味? 潮州人, 無固定, 我老媽, 好隨意!
通常都係時令菜, 網上有說用意頭菜, 有芹菜、百合、菜頭.....
菜頭(音:彩頭)係潮州叫法, 即係蘿蔔
咁, 我就用自家菜頭葉, 即係櫻桃蘿蔔葉, 
左掘右掘, 最後收割一棵發肉不良, 只有葉大而蘿蔔小的

材料: 椰菜, 菠菜, 旺菜, 櫻桃蘿蔔葉, 羅馬生菜, 金菇菜, 芹菜
調味: 薑, 味增, 豉油, 麻油, 黑椒粉, 黑醋, 馬蹄粉

麵條煮1分鐘, 再加熱辣辣七樣菜羹, 軟硬度剛剛好

葉先生再落豆板醬, 變酸辣素菜湯麵