素菜齋菜慶生辰

時間過的真快 . 又添一歲
每晚都唔願上床瞓覺
每朝又唔願起身
氣功休息.買餸煮飯.洗衫打掃.睇書煲劇.覆診.發牛豆.
好快咁就過咗一日.忙過返工
有時直頭要諗下至知星期幾

有無感到時間過得慢? 係有的.
辛苦時.生病時.失眠時.困難時.傷心時.
人生,  係要經歷起跌.....

噢 . 太多野講唔係好襯我, 入返正題先^^

日常飲食習慣小肉多菜
覺得慶生更加應該食素齋
一般傳統齋菜都較油膩
最怕"令立立"獻汁
出外揾食點菜時可免則免

Red Mango, 熊貓酒店商場
素菜自助餐, 限時個半鐘
食物選擇唔算多 . 都足夠
無試到意粉飯類已經飽飽地
要留位置食乳酪雪糕.好好味
掛唔知鄰坐小朋友連續隊咗4杯

大自然素食, 銅鑼灣店
每樣菜式都正正常常
唯獨"田園Pizza"
個底似餅乾而且好硬.好失敗

寶蓮素食, 荃灣
午市任飲任食, 不限時
要儘量避開外貌好似的小菜
蝦仁.鰻魚.魷魚.雞柳......
因為越似就越多不知明添加劑.增味劑.色素.
點原材料菜式最穩陣

可惜唔包括廚窗的包點糕點 

今年買咗一件慶祝.倆份食 

希望世界和平! 珍惜地球!