剩餘物資早餐 ~ 健康版 All-day breakfast
薯蓉代替炸薯角, 蟹柳代替腸仔煙肉, 有白蘑菇、啡蘑菇、蘆筍, 唔少得黑醋沙律, 配一塊自家黑芝麻方包, 加杯麥茶.
依個早餐重點係自家茄汁焗豆, 可惜炆焗2日仍然未夠淋身, 有待改善.
剩餘物資午餐 ~ 韓風炒飯
蟹柳、青瓜、甜蛋、泡菜, 加冷飯, 最後加芝士及芝麻葉拌炒熄火, 吃前再加紫菜拌勻.
芝士唔好太多
成個韓式風味炒飯, 真係好好味.
剩餘物資晚餐 ~ 紫菜包飯
蟹柳、青瓜、甜蛋、泡菜、芝麻葉、涼拌豆芽, 用紫菜包住食. 加個秋葵金菇紫菜麵豉湯.
走飯一樣咁好味, 簡單好味又一餐.
沒有留言:
張貼留言