一人前2014 (上)

以前一個人開餐會求其食, 有時唔知咩好會開罐頭即食麵簡簡單單就算, 今時唔同往日, 依家為左健康為左命仔一定唔得咁樣, 食材要以新鮮有益為主, 唔可以偷雞偷食, 因為每日都要報告......

最終意懶人湯飯, 多數買鴻福堂花膠湯+蘆筍+冷飯
蘆筍可以防止致癌物與細胞結合

首爾櫻花2014 Day2

 04 Apr 2014 day 2~ 往十里站E-mart,高速巴士客運站地下街,NEWCORE Outlet

南怡島, 一個想去而又未去過的地方, 登島要長途跋涉, 地鐵+火車+的士+渡船, 舟車勞動唔係好啱我, 而且知道島上櫻花樹唔多, 所以今次亦去唔成.
到步頭幾日天氣寒冷, 早晚氣溫7-8度, 日間亦只有12-13度, 怕冷鬼病左無精力就邊到都唔洗去, 氣溫預測隨後幾日會稍為回升, 所以戶外賞櫻就安排在較後日子, 開花情況如何, 唯有隨緣!
今次行程好隨意, 隨意到每日睇情況睇心情而定. 又唔郊遊又怕凍, 有咩好做? 自由行都有自己嘅喜好, 我有位同事喜歡每晚巡視東大門時裝批發場, 而我哋就係巡視各大小超級市場; 戶內活動還有永登浦地下街及高速巴士客運站地下街; 戶外有廣藏市場, 烘焙的芳山市場, 乾貨海味的中部市場; 星星大熱, 追星場景都有; 在眾多賞櫻景點中, 選擇石村湖及兒童公園.  

昨晚勞累又夜訓, 依朝無做晨操, 吃過酒店早餐就出發去行超市

晨操

早課氣功應該在5時正開始練習的 
即係起碼要4點半起身, 真係有d難度架
早有早好, 會無咁熱, 一直在調節中.....

今朝又瞓晏左少少, 點知又比我見到靚靚日出

Detox water 維他命排毒水

見網友阿肥整"維他命排毒水", 有排毒消脂及滋養身體功效, 將新鮮蔬果切塊或切片+草本植物/香料+水，浸泡約4至8小時, 蔬果的維他命會釋出於水中，成為天然維他命水. 基本材料只需要蔬果及水, 比浸水果酵素簡單得多,  上星期買左隻菠蘿, 已經"牛"到熟晒好香, 開工. 

素~粉葛栗子湯、桂圓馬蹄露

近來多數煲五行蔬菜濃湯、南瓜蕃茄濃湯、紅菜頭甘荀濃湯, 大豆芽菜豆腐麵豉湯..........
好耐無煲老火湯, 早2日跟肥媽食平DD煲素湯, 粉葛栗子腰果馬蹄甘荀湯, 我再加多2塊果皮.

首爾櫻花2014 Day1

03 Apr 2014 day 1
今次用飛行里數換取機票, 只需要支付燃油附加費, 第一次換免費機票嘅感覺真係幾爽嫁; 酒店方面, 葉先生揾到一間機場巴士直達, 鄰近地鐵, 旺中帶靜, 乾淨企理, 價錢合適, 包早餐而且唔係馬馬虎虎的早餐(後來到day7在早餐區至發現依間酒店得過"樂天旅行"及"Agoda"的獎牌), 最重要係近清溪川, 葉先生希望我至少早上保持練習氣功, 另外亦方便每天回酒店午睡休息. 


機場午餐及飛機餐

素~擔擔麵

我家最怕吃過份發漲麵條, 在外吃上海麵必定叫爽麵, 送到面前就剛剛好, 吃到尾也不會有反胃感.
响屋企煮會按包裝指示減1-2分鐘, 手腳慢上得桌泥就差唔多, 唔會太硬, 加個麻醬湯底, 最後灑上花生碎、榨菜及青瓜, 這個唔加肉碎的素食擔擔麵一樣咁好味.

週末芒果午餐

芝士蛋白+海苔吐司, mango salsa, 南瓜蕃茄濃湯, 芒果布丁

素~漢堡扒、獅子頭

肥媽平食dd煮素菜, 有味素漢堡扒好唔錯咁, 早幾日買左件硬豆腐, 開工. 

健康版 All-day breakfast

之前生日+母親節聚餐剩餘物資, 分早午晚3餐食晒佢, 健康版 All-day breakfast, 韓風炒飯, 紫菜包飯, 放心唔係同一日.

剩餘物資早餐 ~ 健康版 All-day breakfast
薯蓉代替炸薯角, 蟹柳代替腸仔煙肉, 有白蘑菇、啡蘑菇、蘆筍, 唔少得黑醋沙律,  配一塊自家黑芝麻方包, 加杯麥茶.

生日及母親節晚餐

 人多食快d, 人少食飽d

mango salsa, 清新口味好得, 做法參考T&P食譜