電話騙案

8月16日辦公時間下午5時許手機響起, 來電顯示由國內打出的86138260xxxxx,

猶疑會是誰呢? 最後還是接聽了..........

我: 喂!

對方: 點呀你? (好風騷的聲調, 純正廣東話)

我: 邊位?

對方: 你唔認得我呀? (背景有點嘈雜, 繼續風騷)

我: ........陳大文? ( 把聲又真係好似)

對方: 係呀!

我: 咩事?

對方: 無, 睇下你點樣之嘛! (真係頂唔順, 話比你老婆知, 紐甩你隻耳仔 ) 

我: 你係邊度? (奇怪, 平時陳大文唔會咁陰陽怪氣同我講嘢架喎)

對方: 我係深圳囉.

我: 你去深圳做咩? (即管睇下你想點)

對方: 見得閒, 想睇下你點樣之嘛! (講來講去都係呢句, 仲唔問我要錢!)

我: 咁, 你阿爸呢? (開始試探下虛實先) (早知問: 你欠我的錢幾時還?)

對方: 阿爸? (口窒窒) 阿爸.....阿爸.....唔係度.

我: 唔係度? (聲調提高大約2度左右)

對方: 係呀, 阿爸無同我過黎深圳呀. (懶鎮定)

我: 你阿爸已經走左幾年喇, 係咁啦!