儲糧 [獨家影片]

動物昆蟲儲糧過冬, 電視就睇過
親眼見到, 親手影到

感覺又開心又緊張又有趣
若果想拍得到拍得好
過程要慢慢靠近.要唔好手震震.仲要考究耐性

早幾日做完氣功正在拉筋休息時 
面前見一隻黑色咩蜂夾住隻大過佢嘅草蜢降落葉上
佢之後掉低隻草蜢起勢挖泥沙
以為佢有排挖
原來已經有隧道只係撥開洞口

糧倉隔離有個洞口, 我估應該可能或者係煙幕

唔知咩蜂收埋隻草蜢入去後
又以為佢會跟手出黎封返個洞口
但佢只係好忙咁騰出騰入唔知想攪咩鬼
一時望望下又入去, 一時响洞口附近玩泥沙 
大約20分鐘後終於正式撥泥沙封好洞口飛走

之後, 每日都去巡視下

哈! 昨日又見佢响洞口玩泥沙

06/11/2016 今朝見佢開闢新隧道