度過三週年

唔經唔覺, 三週年了
如果問, 平時覆診睇報告仲驚唔驚?
驚的
又或者, 年檢覆診檢查有無擔心?
無就假的


一位相同病証的街坊戰友
大家幾乎每天都在公園練功碰面
半年前指數開始異常, 最近確診復發
要再次接受艱苦的療程
統計數字方面話可延長17個月
多無情的2個數目字
數字雖然可怕
但成功超越繼續抗戰既個案亦唔小
一定要有信心
傾聽,分析,鼓勵之餘
希望.希望.希望.
她能夠順利完成, 勤力練功, 重拾健康

又想起一位復發戰友的說話:
不知不覺間又回復以前的生活模式, 
忘記了害怕, 唔夠愛自己

而我, 三年前得病時訂下新生活方向
時間過去, 日子久了, 開始鬆懈
當初定下的界線漸漸變得模糊
見過生老病死後, 人會有另一種體會
有時, 隨意一點感受下生活又何防
每日認真過.開心過.慢慢過.平靜過
時常提醒自己
~ 珍惜每一天 ~

今年大檢電腦掃瞄大至正常
胆紅素又步步高陞
睇黎又要計數, 減少攝取含維他命A食物
稍為擔心小小既係甲狀腺問題
會再安排超聲波及抽針檢查跟進
另外出現骨質疏鬆, 哈哈, 要認老了
開始每日食鈣丸補充
真係唔明, 何解葯廠要整到咁屎大粒葯?
現時食緊Doctor's Choice, 有糖衣免強吞得到
依我非正式統計
唔識吐痰既人, 9成9都有吞葯丸障礙的
而經驗話我知食葯含一口水後
頭, 真係要往後輕輕一瑤配合吞服
動作切忌過大, 一氣呵成唔猶疑的話, 多數成功
否則葯丸必定仍留响個口到
瑞士之旅過境德國買咗3款鈣丸
希望唔係大大粒炸彈裝

大家知道有咩牌子係細細粒的
不防通知聲, 無酬

自己隊咗一杯麥當當軟雪糕, 太甜了