物極必反

星期天又到覆診日, 剛坐底, 羅醫生已叫我打開手掌給他看, 從未試過心感不妙, 立即回應剛沖繩回來可能曬黑了(其實沖繩氣溫只有20度左右, 亦無咩猛烈陽光), 帶點遲疑的打開了, 睇落紅紅潤潤幾好吖, 暗自放心。 但, 羅醫生卻話真係黃色, 隨即伸出自己的手掌, 同時又叫葉先生也伸出來, 3隻手掌比較下, 就能明顯的分別出來了, 羅醫生同葉先生的手掌, 白裡透紅, 而我的手掌則是黃裡透紅。


羅醫生查問我的飲食習慣後, 開始講解驗血報告, 過去半年肝功能的總膽紅素數值一直在標準邊緣, 上次(一月份)稍為超標, 今次比上次超出更多, 有持續上升趨勢, 羅醫生要我首先即時停止進食甘荀類含高量胡蘿蔔素的食物, 因為胡蘿蔔素會轉化為維他命A, 而維他命A屬脂容性, 攝取過多積存體肉會傷害到肝臟, 雖然研究顯示缺乏維他命A下會較易得到癌症, 但生活在香港無可能缺乏的。


網上資料：高胡蘿蔔素食物,  原來蕃薯含胡蘿蔔素量最高。
蕃薯, 我隔天食一隻, 有時早餐有時午餐, 只要15分鐘就開餐, 好鐘意依味懶人餐真係好方便, 再加上平時有食甘荀、沙律生菜、南瓜、菠菜、三色椒、杏乾等等....., 加埋加埋就過量了。
物極必反, 好彩發現得早, 未變黄面婆。

記得好耐之前睇過一集美國電視劇"House", 一個男人因某種病去求醫, 治療期間, House醫生同個男人講: 你老婆應該有外遇了, 快找律師. 因為果個男人除左某種病外, 面色皮膚色全部橙黃色的, 成隻紅蘿蔔咁樣 。

其次, 要我稍為增加體重, 雖然我的BMI數值在範圍的中位數, 叫做標準啦, 真係好多好多年未試過咁標準, 平常人絕對無問題, 但, 以我的情況, 食肉量略嫌過小(每星期1-2次雞蛋般大小的豬肉或魚肉或雞肉), 最好增加食肉量增加體重, 儲存能量有助增强低抗力免疫力, 同時減低日後骨質疏鬆問題, 好啦, 聽你的,增肥。 

平時搜集的資訊認為癌細胞喜歡甜及酸性環境, 覆診其間詢問羅醫生食用白糖問題, 羅醫生解釋癌細胞不會只喜歡吃甜, 癌細胞什麼也吃什麼也搶先吃; 而白糖為單糖, 身體可直接吸收容易至胖, 認為適量進食無問題, 均衡飲食最重要。

哈哈！今次慶祝又過一關, 就非常放心同開心咁自己食一個雪糕甜品了, 滿足滿足。 


晚餐, 食蝦慶祝, 自家種蘿勒葉鮮蝦pizza, 葉先生叫我唔好食含胡蘿蔔素的紅椒, 其實紅椒含量相對蕃薯小好多好多架! 好啦好啦, 停止胡蘿蔔素吖嘛, 沖繩買咗包紅椒, 就放埋pizza的一邊啦！

這個蘿勒葉, 平時靠近已經有強烈香氣, 但上次煮意粉同今次焗的味道都唔夠突出。