大病一週年

當年今日超強颱風尤特襲港, 掛起了8號風球, 下午轉為3號風球其間, 我正進行4小時手術, 轉眼一年了. 現時身體狀況唔錯, 學習氣功有半年, 感覺到體力有好轉, 試過追車後並無氣速頭暈, 深呼吸已可回氣. 但是, 上個月腫瘤科第二次覆診, 雖然驗血報告CA125正常, 但其他有部份項目仍然剛剛合格, 希望可以再好些, 最好儘快回復舊時. 


今日到醫院婦科覆診, 要抽取細胞化驗追蹤有無前期病變, 醫生認為術後初期每半年做一次, 好怕做這個檢查,  真係好怕, 怕痛更怕出事, 報告要過兩天才有, 想來想去, 上月驗血CA125正常, 這個檢查項目應該不用太擔心.

基於術後一年, 係時候要做CT scan電腦掃瞄例行檢查, 順便追蹤右下腹按壓痛感原因. 打豆豆的經驗唔少, 較易打的血管因化療葯後變得幼細, 其他可選擇比較直的又唔多, 今次知道右手中間的一條是打唔通的, 這個一定要記住下次先告訴護士唔好打依條主意,  針口過鹽水及顯影葯水時又拿又刺痛, 護士笑說我應該已身經百戰! 又如何? 痛, 自然就會叫痛, 而且經驗話我知唔應該拿唔應該刺痛的.

今次電腦掃瞄好奇怪, 其間要從後打葯水脹起大腸, 人是清醒的, 好肉酸的感覺. 由於空腹已6小時, 做完後全身打震, 尤其係2條大腿, 凍到不自主地抽搐, 好得意下, 加上廚房漏單, 飢寒交迫情形好難忘, 想起絕食抗議的人士, 非常佩服. 

臨時入院, 好在有大姐相伴, 晚上有電腦掃瞄報告, 顯示主要因盆腔炎導致腸壁發大, 需吃2星期抗生素. 

要想法子增強身體免役力.