潮州煎蠔餅

以前細個最鐘意亞媽煎蠔餅, 因為果餐就唔會煮飯唔洗食飯, 我哋會輪住等, 亞媽一路煎我哋一路食, 一人一大塊自己食, 唔洗爭, 多蔥多芫茜多蠔仔多雞蛋, 妤好味.
果時的蕃薯粉來自家鄉親人自家磨好乾淨的, 記得市售的蕃薯粉都好污濁, 開水後灰灰黑黑又多雜質, 唔敢食成包掉左, 無得食好失望架, 依家一般質素已經唔太差. 

阿宗麵線

早幾晚J2旅遊節目"80後遊世界"去台灣, 主持人行夜市食阿宗麵線, 葉先生話想食, 我都想! 

材料: 蠔仔、甘荀、雲耳、金菇、全蛋麵、昆布、芫茜
調味: 豉油、鹽、黑醋、胡椒粉、馬蹄粉、麻油

防癌蔬果汁2014 (上)

6月份高雄自由行逛書店購買的其中一本特價書~防癌蔬果汁, 書中提及美國國家癌症研究所一位醫學博士認為"大量攝取蔬菜和水果的人, 罹癌機率只有少量攝取的人的一半", 另外, 在美國西雅圖進行的調查也得到"一週喝超過三杯蔬果汁的人, 相較一週喝低於一杯的人, 阿兹海默病(即老年痴呆症)發作的風險降低了百分之七十六", 而加拿大多倫多大學的研究結果, 指出蔬菜生果含有維他命及礦物質, 將蔬菜生果打汁較直接吃更能提高血液中抗氧化的效果, 適度加入蔬菜生果的皮莖葉, 能攝取提升免疫力的植物化學素. 而植物化學素對防老年痴呆症及防癌有相當的功效.

芝士紅豆+黑芝麻豆渣包

上星期整左一口砵仔糕, 留起粒粒紅豆, 加埋整黑芝麻豆漿留起豆渣, 做左紅豆豆渣包, 葉先生話包包好軟熟, 但太少紅豆.

大病一週年

當年今日超強颱風尤特襲港, 掛起了8號風球, 下午轉為3號風球其間, 我正進行4小時手術, 轉眼一年了. 現時身體狀況唔錯, 學習氣功有半年, 感覺到體力有好轉, 試過追車後並無氣速頭暈, 深呼吸已可回氣. 但是, 上個月腫瘤科第二次覆診, 雖然驗血報告CA125正常, 但其他有部份項目仍然剛剛合格, 希望可以再好些, 最好儘快回復舊時. 

花椒治彈弓手

之前在網上發現偏方醫治彈弓手方法 "嚴浩秘方集~花椒治彈弓手", 內文提到花椒除左醫治彈弓手指外, 對神經系統和末梢神經都有治療改善作用, 2個問題我都有, 在5月份開始試吃, 真的有效, 雖然時間花得比所說的長, 但是, 醫得到就是好.