情人元宵餐

一如以往, 情人節、元宵節唔會特別外食消費慶祝, 有時間的話會自己煮, 咪咪摩摩慢慢煮.
晚餐有牛油果抺醬、黑醋牛油果車厘茄、自家蒜香蘿勒麵包條及吐司、無花果、紅菜頭濃湯、香草焗羊扒、芝士大蝦, 拌菜有黑椒香草薯粒、蒜蓉白菌蘆筍, 最後有禁食半年的雪糕.

用心形餐具應應節, 2款牛油果點醬各有特色

葉先生鍾情的黑醋牛油果車厘茄
調味: 黑醋、橄欖油、青檸汁、紅蔥頭、蒜蓉、黑胡椒、鹽

配自家蒜香蘿勒麵包厚切

而我較喜歡牛油果抺醬
調味: 低脂沙律醬、青檸汁、紅蔥頭、蒜蓉、黑胡椒、鹽

配自家蒜香蘿勒麵包條

葉先生的香草焗羊扒
調味: 百里香、香芹、黑椒、蒜蓉薑蓉、豉油、橄欖油
200度7分鐘, 反轉5分鐘

唔愛吃羊, 但每次都會試吃一小口, 試下有幾羶. 

我的芝士大蝦
調味: 黑胡椒、鹽

芝士好好味, 但唔洗咁多, 因為同時喜歡點泰國海鮮醬.

三味配菜一樣咁愛, 黑椒香草薯粒、蒜蓉白菌及蘆筍

羊扒同大蝦一齊焗, 慳水又慳力.