洋蔥磨菇蒸包

之前見"健康工房"一個素包要14大元, 好貴! 
之但係, 佢出品的杞子燒賣都係14大元, 點解會覺得唔貴呢?
呵呵, 因為我係燒賣迷, 喜歡就唔覺得貴. 

中式蒸包比焗爐焗的麵包較為健康, 
早排買左包中筋粉, 前幾日打開筆記, 
隨手選個中式包點食譜, 開工去...

真的, 雖然外貌很嚇人, 但味道唔差, 真的!
正所謂, 熄燈後個個都一樣, 張就下啦! >.<




包皮料:
中筋粉 150 g
酵母        3 g
糖           8      g
鹽         2      g
水         75 ml
橄欖油 10 g
豆渣         10 g

餡料: 洋蔥磨菇


麵包機打好麵糰, 分割每個約50g後包餡

餡料鬆散, 包皮幹得大大塊, 貪佢容易打摺收口

包底放烘焙紙, 室溫發酵

1小時後, 仍有摺痕

水熱後放入鍋蒸12分鐘, 熄火隨即開蓋 
開蓋後, 緊緊睇見飽滿的包包立即收縮下榻 
快到不得了, 慘不忍睹 
摺痕無晒, 個樣好衰, 好肉酸!

去年做過生煎包, 蒸包都無咁樣瞬間收縮
我估酵母有點多, 餡料有點鬆散, 包皮有點過大, 加入豆渣......
認真上網揾資料做功課, 再接再厲!

有說用中筋粉, 有說用低筋粉
有說加老麵方法, 有說中種方法
有說用酵母, 有說會再添加泡打粉
有說要用鹽, 有說不加鹽
有說麵糰直接分割包餡才醒發, 有說麵糰醒發後才分割包餡 
更有說麵糰醒發包餡再醒發
有說冷水入鍋一起蒸, 有說水熱後才放入鍋
有說蒸好隨即開蓋, 有說蒸好關火5分鐘後才開蓋
有說.....

有排學習, 有排練習