氣功一週年

為慶祝覆診報告大至正常, 葉先生特別批准食雪糕! 
我當然唔反對啦, 有時又唔以太過抑壓自己, 雖然有准許但我又唔會話好貪心要自己隊一個, 否則食完又會產生罪惡感! 
呵呵呵! 真正體會到小食多滋味! 

昨天又到3個月一次的覆診日, 早上到醫院抽血, 下午見醫生檢查睇報告, 每次日期臨近的一兩天, 精神都會不自覺地緊張起來, 我的減壓方法好簡單, 整下野食或者煲下劇, 唔好有空閒時間發呆胡思亂想. 
星期五準備食材, 有南瓜蕃茄濃湯、黑醋沙律、泰式黃咖哩海鮮.
星期六聚餐日, 再加埋大姐自家滷蛋、外賣燒肉酸齋及豆腐,  一家人睇台北旅遊相.
星期日煲劇日、覆診日.

去年這個時候完成療程開始學習氣功, 自控氣功! 
當時放棄郭林氣功而選擇這個氣功, 最主要原因係睇完黃百嗚的一本書"生存奮鬥", 書中記載他的太太罹末期癌及康復經過. 她就是學習自控氣功的, 而我與她是同樣的一個病症, 自然希望能學她一樣打敗癌腫, 延續生命. 
台北旅遊前一天參加了這個義務氣功中心24週年盆菜宴分享會, 多得一班熱心師兄師姐們, 每星期均會到中心敎導, 掌聲多謝! 
當日有大夫講話、有病友分享、又有抽獎, 氣氛熱鬧.
第一次吃盆菜宴, 報名選擇齋盆菜的, 味道稍濃, 而白果粥好香好綿好好味, 仲有拜神燒肉.   

學習氣功、調節飲食、作息定時後, 感覺精神好了, 身體機能好了, 半年前電腦掃瞄(CT scan)檢查時, 已有多年的輕度脂肪肝(mild fatty liver)消失了, 依家普通追下巴士已經難唔到我. 最近, 有時下午操練會改為慢跑, 微微出汗, 同樣有帶氧效果.
而體重方面, 由手術前的53kg下降至現時44kg, 早前朋友叫我唔好再瘦了, 其實唔算瘦, 只係以前比較肥姐, 依家無得食雪糕甜品, 想肥都真係幾難!  

睇埋睇埋的抗癌自傳、網絡資訊, 得出以下小小心得: 
~不要去問期數、存活率、不要有怨、有恨
~要活得知足、開心、快樂
~要運動、要休息
~抗癌, 不單單抗癌, 同時亦抗你的個性、慣性、惰性
~避開甜食、油炸、味精、罐頭、加工、醃制食物
~大幅減少肉類
~可吃有鱗魚類、堅果類
~多吃: 蔬菜、水果、穀類、豆類、檸檬、鹼性食物、儘量選購有機食材