台北2015

九州春(已完成3天)、九州夏、首爾(已完成5天)、高雄、沖繩
以上遊記唔知何年何月至寫完, 明天出發台北, 又再累積多一個.

今次同家姐、老爸、老媽4個人自由行6天，
行程有北投温泉、淡水、中正紀念堂、孫中山紀念館、西門町、101、貓空、熊貓館、、、、
仲有每日早操、午睡, 依個家姐對我的日常生活規律比葉先生有過之而無不及，選酒店首要附近一定要有大公園，其次當然要近捷運站，方便老人家。

好開心能夠再次同老爸老媽出外旅行，記得2013年剛知道有病，正在醫院最彷徨最胡思亂想的頭幾天，當時曾慶幸自己在發病前曾帶同倆老到曼谷遊玩，無憾。今次成行，再有機會同行相聚，我會珍惜加珍惜。

無相有D悶，就放張昨天姑奶們到訪聚餐照
有南瓜蕃茄蓉湯、芝士洋蔥焗薯蓉、田園沙律、泰汁凍蝦、巴馬火腿pizza 、啡菇車厘茄pizza、黑麥汁

烏龍到屎，焗完薯蓉後忘記調較發熱線，只有上火焗的啡菇pizza，面好濃, 底好白。