南瓜亞麻籽包+檸檬水, 依個組合味道唔錯又健康.
南瓜含豐富胡蘿蔔素外, 還含有一種能分解致癌物質亞硝胺的酵素, 而亞麻籽含奧米加3脂肪酸及亞麻油能防癌抗癌, 檸檬經身體消化後會轉為癌細胞最討厭的鹼性環境.
麵包機mode13 生麵糰, 30g亞麻籽(用攪拌機打碎才能被身體吸收)
苦瓜好有益處, 其中一項係能夠增強人體免疫功能, 今次試煮白肉苦瓜炒蛋, 無用鹽水清洗, 只有輕微苦味, 容易入口, 下次可以煮比怕苦味的葉先生試下.
驟眼睇好似菠蘿
麵包機mode15 半份吐司, 用左3g抺茶粉, 青BB麵糰
轉做全職煮婦不用上班了, 對我泥講每天都應該無分別, 但到星期六、日感覺就會不一樣, 變得特別輕鬆就像放假一樣.
平日早餐會簡單隨便一點, 今日輕輕鬆鬆慢慢煮.
自家餐包仔 + 黑松露煎蛋 + 芝士白菌 + 黑醋沙律 + 香蕉豆奶
久不久就想食的蔥油餅
但在街外買的蔥油餅幾時都咁油冧冧,
葉先生睇見第一句真係就話 "油冧冧".......
饀料用日本蕃薯, 夠晒甜, 一粒糖都唔洗落, 蒸熟後只加脫脂奶粉同埋有咁少得咁少牛油拌勻, 200度12分鐘.
完成六次化療至今快到二個月, 手指麻痺的感覺仍在, 沒有之前般強烈, 好像有些微減退, 但熱水沖涼時仍然感到又脹又痺又痛; 腳趾麻痺亦依舊, 而腳板底仍然感覺異常, 站立時就像有個一元大小的硬幣貼在腳底, 夠晒奇怪, 夠晒唔舒服, 有時幻想腳底果塊係金幣感覺會良好d; 化療後期開始接受針灸, 希望能夠舒緩手腳麻痺, 即使害怕針痛都絕對願意忍受, 每次拾幾針好似箭豬咁, 可惜, 做左6次針灸後要放棄, 因為化療完成後學習氣功, 師父認為針灸深入刺激經絡, 行氣活化細胞, 當然亦包括癌細胞, 所以唔建議針灸, 人手穴位按摩屬於淺層刺激, 柔按就無防咁話.
影埋影埋好多意粉照, 繼續意粉餐.
橄欖油炒香洋蔥, 加些少蒜蓉及迷你杏鮑菇略炒, 加味醂略炒, 黑椒鹽煮麵水調味, 最後加入天使麵及黑松露醬拌勻熄火上碟, 伴白灼蘆筍, 開餐.
橄欖油炒香洋蔥, 加些少蒜蓉及白菌略炒, 加白酒略炒, 黑椒鹽煮麵水調味, 最後加入扁意粉及青醬拌勻熄火, 放上焗魚柳, 開餐.
橄欖油炒香洋蔥, 加些少蒜蓉及韓國杏鮑菇略炒, 味醂黑椒鹽煮麵水調味, 最後加入天使麵及黑松露醬拌勻熄火, 攪掂.
簡單快餐, 真係好簡單, 亦都真係好快可以開餐.
橄欖油炒香洋蔥, 加些少蒜蓉及茄膏, 跟手加入蘆筍及三色椒略炒, 味醂黑椒鹽煮麵水調味, 最後加入天使麵拌勻熄火, 食得.
橄欖油炒香洋蔥, 加些少蒜蓉及迷你杏鮑菇略炒, 加味醂略炒, 黑椒鹽煮麵水調味, 最後加入天使麵及黑松露醬拌勻熄火上碟, 伴白灼蘆筍, 開餐.
