十字花科蔬菜, 含天然毒素
加熱熟食可降低毒素含量
响好多好多年前知道會刺激甲狀腺激素上升, 加重病情
當中尤其是椰菜花.西蘭花.椰菜
反正有其他蔬菜種類可選擇, 小吃一類唔算小
於是乎
在家唔會購買烹調, 出外亦唔會主動點選
已習慣近乎零接觸的飲食模式
多年來, 橢圓形腺瘤保持1+1狀態
上年檢查, 結節已經靜靜地開枝散葉兒孫滿堂
同樣地, 十字花科蔬菜, 尤其是椰菜花.西蘭花.椰菜
已被確定對抗癌有一定效益
數年前大病後, 不時修正自己的飲食
上年開始小量進食椰菜, 回顧全年只係三數次
而含碘及褐藻醣膠多醣體的水雲亦減少進食
對結節增生有無直接關係? 術後內分泌帶來變數?
中西醫師都好難講
多吃一類亦算多? 每樣食物都有各自利弊處
均衡最重要
早前, 見PK有售台灣椰菜花
花蕾結實白白淨好靚仔, 一大個$25.9
猶疑瞬間後帶回家
椰菜花薯仔濃湯 + 薯仔藜麥沙律
材料: 椰菜花.薯仔.乾蔥
調味: 脫脂奶粉.黑胡椒.鹽
全部材料切細, 用empress攪拌機打蓉, 回鍋煮熱調味
下次唔好懶, 材料先炒後打會較好味道
三文魚椰菜花藜麥沙律 + 南瓜蕃茄粟米湯
材料: 三文魚.三色藜麥.椰菜花.羅馬生菜
醬汁: 檸檬.橄欖油.黑胡椒.鹽
三文魚加些小黑胡椒慢火前後左右每面煎2分鐘, 要全熟
三色藜麥.椰菜花稍為散熱加入醬汁拌勻
最後在魚件上再淋些少醬汁
簡易快餐, 開動....
沒有留言:
張貼留言