小病是福
失去嗅覺有咩感覺? 我會用恐怖黎形容
剛發現時驚咗一陣, 小小鼻塞亦都暢通咗一陣
好彩味覺仍在, 甜酸苦辣感覺仍在
但, 當失去嗅覺去配合味覺時
明明知道食緊咩野而食唔到應有的味道
你會感到食不知味, 無晒樂趣
依種感覺就最最最恐怖
食生果, 草苺只有酸酸甜甜味, 沒有草莓香
擦牙漱口, 口腔只有涼涼的感覺
當煲飯煮餸, 過程完全聞唔到飯香餸香
令人坐立不安, 時時走去勁索有濃烈果香的潤膚露測試.....
唯一好處係便便時, 完全無嗅味
依次奶野病徵同平時感冒好唔同
退燒後隨即喉嚨勁痛+小小鼻塞+小小咳嗽+失去嗅覺+雙眼通紅
今日已經好咗好多, 唔見咗幾日的嗅覺已慢慢回來, 只係
鼻涕有小小黃
喉嚨有小小痛
早晚有小小咳
雙眼有小小紅
想起, 上個月收到一位戰友的whatsapp轉發文
內容提及感冒或有助於預防癌症, 經常感冒能使身體的免系統處於警戒狀態
一旦出現變異細胞, 便立即識別出來, 並將其殺死....
然後戰友話佢這兩年並無感冒, 不幸地例行檢查時發現復發了
悔恨不知不覺間又回復以前的生活模式
看輕病情, 忘記害怕, 唔夠愛自己
終於決定離職養好身體.
小病果然是福?
葯力發作, 又眼訓了
葉太,要小心身體,最近啲箘真係唔講得笑...保重保重!
回覆刪除我雖然感冒好番,但啲敏感咳總係唔斷尾,煩屎人...
初春天氣比較反復, 大家都要小心身體, 依家d病箘真係唔講得笑, 要病向淺中醫, 唔好好似我咁無嗅覺加埋眼紅至識驚去睇醫生.
刪除咳真係好難斷尾, 我都好怕, 次次都要牛好耐, 不防試下中醫.
葉太,突然對打坐有了興趣,請問你有冇經驗,或此類資訊?
刪除最近買咗楊定一博士"真原醫"一書, 其中有提及靜坐, 佢用科學引證靜坐對身體健康有益, 改變大腦功能, 提升各種生理機能, 改善憂鬱.焦慮.憤怒和壓力感, 亦簡單介紹幾個入門方法, 最易係"數息", 即係專注數呼吸.
刪除youtube 有佢部份講解視頻, 我覺得佢講基本入門幾易明, 有興趣可以睇下:
https://www.youtube.com/watch?v=gJN8SEFzjZk
https://www.youtube.com/watch?v=THv2IPNMP0Q
如果你去開書局, 佢有另一本"靜坐"書, 有時間可以睇下啱唔啱用.
打坐方法五花百門, 據知去到資深階層時, 最好有人指導.
還有這個視頻
刪除https://www.youtube.com/watch?v=a0cvhgCmLqs
心想, 如果我每天只做做最基本的幾分鐘, 應該會很安全唔怕入錯另一境界^^
我怕自己情緒起伏,自學未必會掌握到,又怕去錯另一境界... 所以想有人在旁指導...
刪除不過唔該哂你呀,我會再搵多啲有關資料... 因為真係想改變一下自己 :p
Take Care & 加油呀 !!
回覆刪除轉為左邊扁桃腺痛, 可能要睇多一次醫生@@
刪除吓!?依排重轉天氣.你要特別小心呀~
刪除