荃錦自然教育徑

終於, 親近大自然計劃開始了^^
除夕前後一直鼻塞塞喉嚨痛, 食咗幾日感冒葯都唔好
係要101度燒至殺得死感冒箘, 係都要睇醫生至斷尾
之後去咗台灣玩
之後香港又遇上59年最凍天氣....
拖拖拉拉, 昨日大年初三行大運去
今次揀咗近近地又無難度的"荃錦自然教育徑"
若果仍有氣有力就行埋鄰近的"扶輪公園自然教育徑"
終點川龍 

之前每星期去八鄉氣功場都會經過大欖郊野公園
每次見人家開開心心落車效遊都好羡慕
哈哈! 依日到我哋响依個站落車喇! 

"荃錦自然教育徑"終點與起點相同
我哋由右手邊方向起步

入口已見好多植物凍傷凍死

有16個觀賞點

可能實在無難度, 只係簡單上上落落 
沿途好少人行好寧靜  

教育徑除咗兩旁樹多

地上松果亦多

全程最開揚只有經過的直昇機坪

同埋瞭望台

途經荃錦露營地點, 離遠見到有人扎營, 新年玩露營有新意

臨時跟分叉位指示直接去川龍

可惜落山路段地面太多碎沙石
離開教育徑路段果然有難度
因差d跣底坐落地而折返
回程上山時, 有5-6架越野單車迎面落山
年青人啊! 依條唔係越野單車徑, 唔守規則, 好危險的!

教育徑尾段仍然係荃錦露營地點範圍

輕輕鬆鬆完成了

食埋下午茶點, 响扶輪公園四圍行
見到附近有"遠足研習徑", 或者下次啦

而當日扶輪公園係"新春行大運-三大"終點站, 所以好多人等車落山