化療第二針~第1-7天

06/10/2013 化療第二針~第1天
順利在手背種豆豆, 但落葯唔到5分鐘, 面珠發紅發熱, 心口悶悶, 有些少頭脹脹, 護士立即停機較底床背遞上嘔吐盤, 然後call醫生及接駁血壓機心跳機檢查, 休息15分鐘後重新開機落葯, 調慢注入速度, 而且設定每15分鐘自動檢查一下血壓, 這次未有特別敏感及異樣, 沒有面紅發熱, 只有心口悶悶的, 身體終於接收了整包救命毒葯, 叫做順利完成.

07/10/2013 化療第二針~第2天
又開始經歷頭暈渴睡無力無胃口骨痛肌肉酸酸痛的日子.

12/10/2013 化療第二針~第7天
如常第3-7日到醫院打升白針, 有上次抵抗力底的經驗, 這次每天吃雪梨, 喉嚨痛只有一天, 但就一連幾天烈嘴角, 每次張大口兩邊嘴角都痛一下, 尤其係"打咸路", 問題唔大, 只係嘴巴唔可以張到最大姐, 點都好過喉嚨痛. 
第7日已有點習慣骨頭肌肉酸酸痛, 而且精神開始回來, 晚餐煮左個魚湯底的 "潮州蠔仔魚柳粥", 味道都好唔錯.

材料: 冷飯 急凍蠔 急凍魚柳 瘦肉碎 冬菇 魚湯 芫茜 蔥
調味: 魚露 胡椒粉