化療第一針~第17-21天

01/10/2013 化療第一針~第17天 
每晚會醒2-3次, 主要係身體發熱而醒, 因為賀爾蒙改變加上現在化療葯物的影響, 其次係需要轉換睡姿而醒, 術後至今仍未可以隨意轉身, 但可以隨意在床上左左右右移動身體轉換涼快位置, 因為謹慎到不得了的葉先生怕睡眠時無意間踫撞到我的傷口, 及化療其間又為我著想減低感染細菌機會, 所以睡床睡房就給我獨佔了(這麼多年來, 試過半夜被睡夢中的葉先生拍打好幾次了, 我當然贊成); 雖然側睡未能持久, 但每天嘗試側多些少側耐些少地進步.  
今日國慶午餐由我下廚~煎腐皮卷, 終於可以在廚房集中精神整東整西, 心情特別好, 當然會額外小心避免刀傷燙傷.

材料: 冬菇, 甘荀, 蘆筍, 木耳, 粉絲, 洋蔥, 薑

05/10/2013 化療第一針~第21天
一連幾日大量脫髮後, 這2日開始減慢速度, 頭髮剩餘約2成, 分佈平均, 唔會一撻撻光禿禿, 葉先生怕我難過話去剃頭陪我, 聽了當然感動, 想下想下隨即笑左出來, 葉先生莫名其妙, 我回答: 我有假髪嫁喎! 假髪早在化療前由姐夫車我出旺角購買的, 仿真度高而且透氣又唔會焗, 明日出門到醫院第二針要用了.
今日係第一針最後一日, 回想最辛苦係落葯第一個星期, 副作用出現時什麼都不想做亦做不了, 最緊要避免受傷及著涼發燒, 並且儘量食同休息, 其餘有精神的日子時間都好快過, 晨操、睇書、追韓劇、小睡休息、上網、簡單家務、飲飲食食、大排毒、小排毒.......其實都好忙下, 捱過左第一個療程, 又過一關了, 加油啊! 葉太!