川貝燉雪梨

川貝燉雪梨

年紀大, 機器壞!

3月發燒傷風咳, 4月跌倒, 7月頭暈, 9月又傷風咳喇! 何解感冒後就會咳咳呢?

以前, 細路哥的時候, 老媽已經叫我做"怕搓偷", 什麼是"怕搓偷"?

"怕搓偷"係潮語來的, 並不是時下年青人YoYo下那些潮語,

而是真真正正的潮州語言, 簡稱潮語.

"怕" 意思係鬆鬆散散.

"搓偷"係蘿蔔, 白色的蘿蔔. 而蘿蔔糕就叫做"搓偷呱"

"怕搓偷"意思係一個外表睇落美美的白蘿蔔, 切開後內部係鬆散的, 並不是實心的真正靚靚白蘿蔔.

至於發音意思是否正確, 以我只有半桶水的拼音翻譯黎講, 我覺得都好貼近下.   

因為過幾日會出門旅行, 要快些快些好返, 一於中西合壁.

 

材料: 天津鴨梨2隻, 川貝粉2湯匙(先用半碗常溫水開), 熱水1碗半. 吃時伴入蜂蜜調味.

時間: 1小時30分鐘

 

 

吃時伴入蜂蜜調味.

 

安記的川貝母越賣越貴, 1兩HKD90. 荃灣新中聯國貨亦漲價了, 今年3月賣HKD120兩, 早排睇已經HKD140兩. 安記價錢雖然比新中聯國貨的平, 但無新中聯的咁靚. 安記伙記強調係正貨無漂過的.