泰國曼谷水上市場2009

泰國曼谷6天自由行 6~11/9/2009

 遊記睇的多, 今次第一次嘗試寫才知道並不是件易事, 眼高手底, 所見所聞, 東想寫寫, 西又想寫寫. 回來已3個月, 想寫一天遊記, 寫極未完. 加上與葉先生各自帶有相機, 相影了很多很多, 執相亦要唔少時間. 由於靠隻左手用老鼠多年關係, 依家母指用力就痛, 醫極唔好, 唔鬼理佢................住, 右手肩又緊又痛, 長時間用老鼠手指就會麻痺, 左右手都要就住用.(我有理由相信係一個徵兆, 一個要我提早退休的徵兆). 所以決定來個大修改,刪減長編大論的,詳細而又長氣的, 打出這個板本來.



9/9/2009~水上市場,蛇園,高山路,唐人街

過往幾次去曼谷只會焗限在市中心沿著地鐵線及空鐵線吃喝玩,
的士都很少乘搭, 今次大膽嘗試參加當地旅行社的半天遊,
去離市中心較遠較大的水上市場見識見識.  

半天遊行程:~水上市場 Damnoensaduak Floating Market
   自由活動約1小時, 可自費乘撐艇Paddle boat水上觀光購物約40mins 每人B150
   1小時後集合乘坐摩打船Long tailed speed boat水上觀光約20mins直達蛇園
~蛇園, 自費睇表演約30mins每人B200 

半天遊費用:
費用每人B350 (6:30am 酒店接, 高山路解散)
費用每人B250 (7:30am 高山路集合, 高山路解散)

晨早6:20am到大堂等旅遊車,
大清早酒店門外已有數檔小販營業.

到達高山路後, 旅行社小姐上車收錢及從新編排車輛, 安排轉車其間有點亂, 被點來點去, 就在這時唔見左葉先生啊! 係唔見, 唔係失散, 只有我自己一個慌慌張張穿插人群到處找老公 ~ 慌婦尋夫, 原來葉先生去左洗手間 .  結果被安排無人願意坐的車頭前坐, 旅行社小姐連聲道歉, 因為本來我們正是坐該車後坐的.

個多小時的車程全是石屎路, 四周環境並不是想像中的偏僻. 司機哥哥一路渣車, 一路吃早餐麵包飲品及小食, 忙碌非常, 加上我的中間坐位無安全帶, 全程要留意路面情況及斜視司機哥哥的一舉一動, 緊張到不得了.

直至見到Floating market 橫額才鬆一口氣 ~ 乘車驚魂.

只運作上午的水上市場非常熱鬧, 水道兩旁售賣紀念品檔位唔少. 觀光艇加上流動生果艇小吃艇, 時有擠塞, 但未有踫撞, 全靠艇家好技術. 艇家時不時會停留水道兩旁檔口給遊客購物拍照.

生果新鮮美觀而且種類唔少, 眼見遊客影相的多, 小販們如何生存?  

 離開主要水道, 到外圍民居水道轉一圈, 好優閒的生活.

40分鐘的船程一下子就到, 要排住等上岸.

上船後, 還有20分鐘自由觀光時間, 飾物擺設手信選擇多,  海味上的蒼蠅亦多.

B20一碗湯粉.

其他小吃檔.

唔知炸嘜東東.

嬸嬸好忙, 阿叔吃第3碗.

 我地去程架車, 司機哥哥補眠中, 唔好打擾佢.

轉乘speedboat 觀光, 大部份居民都好友善, 會主動與遊客打招呼,  其實觀光船只是在水道外圍民居轉一圈, 然後直達蛇園.

司機哥哥(白衫)及導遊已在岸上迎接.

我同葉先生都無興趣睇表演, 只在週邊影下相.

旅行社資料: www.mamtours.com

高山路及唐人街, 希望有時間面世........