自製美味鯷魚乾粉

早2年因為車勝元, 所以追看 [一日三餐]
"車大嬸"玩煮飯仔好好睇
睇完喜歡埋節目其他成員:柳海真、孫浩俊
因為孫浩俊, 好奇追看 [家常飯白老師]
白老師會引導明星嘉賓們製作日常料理
亦會講解食材、煮食小密技
表情認真之餘又帶點鬼馬
又係一個好好睇嘅料理節目
之後"白鐘元"就成為我嘅烹飪偶像之一^^




鯷魚乾粉
其中有一集主題"鯷魚刀切麵"
白老師覺得餚煮後取出嘅鯷魚乾食之無味棄之可惜
(我都食過只剩淡淡魚乾味, 好有同感)
就想咗一個善用鯷魚乾嘅方法...製作"鯷魚乾粉"
鯷魚乾必需先去除黑色內臟

白鑊慢火炒可以去腥提鮮
魚頭及魚身分開會較為平均受熱
放涼後用攪拌機打成細粉狀
依到我隨意拿2手大約有60幾條
攪打完只有小半樽鯷魚乾粉

湯底加入鯷魚乾粉的確鮮味倍增

直到依家都係用依個方法預先處理鯷魚乾

明太魚乾 (柴魚乾)
另一集"冷凍室乾海貨的輪回"
講解點樣運用長期存放雪柜嘅各樣乾海味...
正好去年自由行買咗一包明太魚乾250g減價後Won$8,990
睇完學會咗明太魚乾湯
以後唔使獨孤一味煲"柴魚花生粥"了

煮明太魚乾湯重點要先將明太魚浸水後稍為榨乾
先用麻油慢火炒到有魚乾香味
之後加水同埋其他食材
最後加入雞蛋汁液

大荳芽
白老師話對解毒最有益的天門冬胺酸集中响根部附近
記住了, 以係會保留多些少根部位置

薯仔
一直都知道薯仔發芽就要掉咗佢,因為有毒素
而已發芽嘅蕃薯就無問題仍然可以食用
白老師話薯仔發芽只要挖深些少仍然可以食
但係若果薯仔發青發綠就有毒要掉佢
(其實小小發芽我都會咁做, 太多芽至會捨得掉)

仲有
薯仔絕對不能跟洋蔥放在一起
洋蔥會加速薯仔變壞導致唔耐放 
怪唔知啦, 原來佢哋2個唔啱key 
我一直錯誤將佢哋面貼面迫埋一個袋@@

白老師有好幾次提到料理嘅樂趣
"一邊準備一邊想著要吃的人"

"就會一直想怎麼做那個人才會感動"

白老師講得好有意思
所以我都要跟隨白老師嘅理念
唔懂就去揾資料
唔識就慢慢學到識
為咗辛勞工作嘅葉先生
我要好好地儘量比更多時間去炮製愛心料理