估唔到仍然見到聖誕樹 ^^
整個星期都係陰陰天完全唔見個太陽
當時估計氣溫應該25-26度左右
只有1日落出雨, 算係好舒服
葉先生朋友話再早1星期氣溫曾經下降至17度
嚇死習慣熱天氣嘅曼谷人
我哋今次都係鬆骨、超市為主
柴.米.油.鹽.衫.褲.潤膚露.香薰.咩都買dd
其他較為重嘅野就得個睇字
因為响HomeProPlus買咗個特價電飯煲
最後剛好用盡所有限額重量
手信、零食
茶葉、一抽乾蔥、大細青檸、香茅、蝦米、龍眼乾...
羅望子
珍珠米、大麥、粉絲、米粉、河粉...
多得葉先生至可以全部帶回家
最開心係買到幾款大麥返黎補倉
有泰國、英國、澳洲
仲有買咗幾包澳洲早餐大麥片
當中泰國出產大麥最平
一包500g大約由B$30-B$50
買咗4款睇落質數較好嘅試下
返港前一晚去行另一間Gourmet Market
明明行李已經無嘜quota
雙腳又不其然咁走去睇大麥
結果忍唔住買咗一包唔同牌子嘅
近期發夢都掛住大麥.大麥.同埋大麥
點算一下我家存貨量後至較為有安全感
睇落好似囤積咗好多咁樣
查實若果乖乖地每日認真跟足份量進食
都唔係頂得到好耐架咋
今次曼谷仲有一個節目...去睇樓
葉先生朋友去年自置物業
早前收樓暫時自住
相約我哋去參觀新居
順便揾經紀睇埋唔同大細嘅示範單位
嘩! 真係好吸引啊!
哈哈~咩電飯煲咁犀利?近年都好多人係海外置業.
回覆刪除犀利在佢係一個只有基本功能嘅西施電飯煲
刪除反正需要換過個^^
無計啦, 香港樓市癲咗.
好掛住曼谷喔喔喔 ))))))
回覆刪除你啲大麥存貨好充足呀，見到你啲戰利品都感受到購物時當中嘅喜悅 ^^
我都係呀 ))))
刪除其實每次都係去差唔多嘅地方
買差唔多嘅野食
真係每次都唔會覺得悶
今次確係買多咗dd返黎, 尤其係大麥^^