咖啡戚風.生日飯聚

第一次做比自己嘅咖啡戚風

漲啦漲啦, 漲咗就唔好回縮咁多呀

唔知點解每次混合蛋白、麵糊都好鬼緊張
出爐放涼後無太大沉降已經好滿意

網上有教幾個脫模方法
我試用拍模+手按

總算叫做無穿無爛

焗緊時一屋咖啡香
食之時只係剩底淡淡嘅咖啡味

今年都係柬咗幾間素菜館
北角"無肉食"自助餐

杯及碗可以自取無限用
唯一係萬用一隻餐碟 
有提供灰灰地色嘅抺紙, 我唔敢用

菜式選擇多,唔會油淋淋,補充轉款快,相當唔錯

食咗好多好多好多, 全部無重複

每次都留一口餸菜抺過隻碟
跟手食埋佢至出去
所以隻碟都幾乾淨架^^

減肥就難, 要我增磅話咁易

食飽飽就自行清理剩菜回收餐具

銅鑼灣"悠蔬食"
樣樣都唔錯

荃灣"大自然素食"
素翅羹唔錯, 減小小咸味更好
羊肉串有肉感好鬼似, 加埋醬汁好味道
泰式冬蔭蔬菜魚餅, 個汁色水同味道都幾恐怖 
炒飯食唔晒打包

甜品有自家抺茶布丁