新年過得好快
早2日葉先生開始上班
一切又回復正常...
襯天氣仍然清涼
前晚, 煮咗生炒糯米飯+雪梨雪耳鮮百合無花果南杏水
昨晚, 煮咗土魷蓮藕煲仔飯
舊年姑奶們相贈印花換咗個Staub細煲終於用得到喇 ^^
年初七, 人人生日+西洋情人節, 約埋老媽行山去
一連幾日都早晚有霧及間中有微雨
所以依日選擇由川龍起點向上行
終於, 親近大自然計劃開始了^^
除夕前後一直鼻塞塞喉嚨痛, 食咗幾日感冒葯都唔好
係要101度燒至殺得死感冒箘, 係都要睇醫生至斷尾
之後去咗台灣玩
之後香港又遇上59年最凍天氣....
拖拖拉拉, 昨日大年初三行大運去
今次揀咗近近地又無難度的"荃錦自然教育徑"
若果仍有氣有力就行埋鄰近的"扶輪公園自然教育徑"
終點川龍
之前每星期去八鄉氣功場都會經過大欖郊野公園
每次見人家開開心心落車效遊都好羡慕
哈哈! 依日到我哋响依個站落車喇!
"荃錦自然教育徑"終點與起點相同
我哋由右手邊方向起步
