氣功二週年

月中覆診, 癌指數正常, 而胆紅素足足8個月才回落到較接近正常範圍, 我亦足足8個月未食過蕃薯了, 好掛住蕃薯懶人餐.

今次食韓燒慶祝, 喜歡的福麵, 留待下次了^^
每樣都好好味, 可惜我同葉先生回家後各肚痾咗一次 =.="

學習氣功2週年, 開初2個月已經學會了適合我的功法步法
其實, 可以唔再需要去八鄉氣功場練習的, 但葉先生一直堅持(挾持)每星期日繼續陪我到八鄉, 主要因為每滿15次到氣功場練習, 學員可被安排給氣功大夫打脈, 看看身體狀況, 平時從師兄師姐口中得知大夫好小讚人的 
每星期都有同學夠數見大夫, 而名額有限, 想確保有得睇自然要提早到場, 但大家心態都想知有無進步, 即係要鬥早了

由於氣功場只有學員可以進入, 親人朋友要在外面公園等候, 鄉郊地方, 夏天特別熱又多蚊, 冬天又特別凍. 就停止去氣功場練習問題, 先後與葉先生討論好幾個會合. 我當然明白葉先生堅持的目的, 而我認為星期日可以換個方式, 一起去郊外行山同樣有益.

11月給氣功大夫打脈, 終於得到氣功大夫的正面評價, 我自己也感覺氣色身體各樣都良好, 加上本月中腫瘤科覆診檢查大至正常, 與葉先生再討論後決定12月20日最後一次到八鄉氣功場練習. 

這個聖誕假期, 我哋帶傋下午茶點, 就去咗城門水塘熱下身了.

月中參加 "鄭錦忠氣功同學義務輔導康復中心" 25週年晚宴, 席間有氣功大夫講話, 有學員經歷分享.   

學習氣功而成功抗癌的同學唔少, 但因種種原因而復發、擴散、離世的例子亦有.

有一位差不多時期到八鄉的同學
精神唔錯但病情一直未受控
近半年電話停用了, 失去聯絡...
李婆婆, 希望你健康平安. 

這個月有二位戰友離隊
一位相熟的同學, CY, 願您一路好走.
一位佢唔識我的同學, 鄺佐輝, 願您一路好走.




每次到八鄉都會經過一個公園
有時一地木棉花, 好靚

有時一地棉花球, 都好靚, 但有排清理

每次都會見到依幾棵老樹
好喜歡, 好有生命力

2016年開始
希望每星期都親近大自然, 呼吸新鮮空氣
當然, 仍然會每日氣功練習, 食中葯調理身體
學習慢活, 今天做不完的事明天做
凡事包容忍耐, 不緊張不計較
珍惜每一天.