平安更是福

老豆, 你轉到深切治療部已經3個星期了, 初時, 醫生一直叫我哋要做好心理準備! 一個比多多時間都無法做好的心理準備!
危急期間, 慶幸家人趕及回港, 一家人能夠齊齊整整, 陪伴你度過最危急的一晚. 當時, 就抱住總好過睇住我走的心情捱過了.
生老病死, 明白道理係一回事, 只可以講, 真正面對又係另一回事.

每次看到你身上插滿各樣喉管的時候, 我的心好實好實, 稍為軟弱把持不住時, 鼻子總會酸, 淚水就會緊接住跑出來...

前日醫生講解病情, 現時仍然處於反覆狀態, 但有稍為穩定向好的趨勢, 過程會好慢好慢.

依個消息實在太好了, 趕走不小連日來的悶氣!
我哋係唔會鬆懈的.

老豆, 你要努力啊! 希望你平平安安, 早日甦醒, 早日康復出院.
老豆, 你要加油啊! 我哋仍然會每天在你耳邊不停說話的.
老豆, 你要聽話啊! 我哋支持你, 頂住啊!