回顧2016

秋去冬來
冬天.遲來總好過唔來

上兩個月遍地花瓣, 美極

如果問:
終結一年感覺時光飛逝?
還是仿似度日如年?
我會話係前者
雖然平淡.但係平安 
回顧網誌
有多個分類並無更新
其實日常係有煮飯亦有拍照做記錄
只係無動力寫

一人前

二人前

家常飯菜
幾年無食過臘腸
上個月去大姊屋企唔覺意帶咗一孖回家

有麵包.蛋糕
原來整年都無做過中式蒸包

西貢郊區風景正空氣好
之但係交通實在唔多方便
搭完車已經謝咗一半了
依年行山多數都係蝴蝶園.大帽山

港鐵優惠日就吸引咗去西貢獅子會
有農作物.中草藥園.美果園.蝴蝶谷.蜻蜓池....
結果逛完已經無能力行目的地"蕉坑自然教育徑"

一直想學寫書法
都想咗好多好多年了.......
自古以來都話透過練習可以修練性情
希望我都可以從中獲益
華仔係我偶像
當年知道佢寫得一手好字
就更加更加喜歡佢^^

幾個月前淘咗嘅"文房四寶"
上星期至第一次試筆
真係難學又難精

最近追看韓劇之餘
再加上英劇"Downton Abbey唐頓莊園"
節奏明快唔婆婆媽媽
已經追到第四季
機乎佔據晒所有休息時間
估計應該追完至繼續瑞士遊記
估計!? 應該!? ^^