按照耕種農作物時間表, 依家最適合種植的蔬菜有: 莧菜、通菜、潺菜
新手第一次, 就先來種成功率高,生長迅速而又耐熱的通菜, 播種期2-8月, 收成期約40-70天, 採收後保留1cm, 之後菜腳會再萌芽, 再追肥後每隔二個禮拜可以再採收, 收穫期約有半年.
12/6/2014 通菜種子用40-50度温水浸約5小時催芽, 我用電水煲熱水+室溫水各一半, 包裝話有20粒, 我依包有35粒, 就算全部成功發芽, 到時都唔夠食一餐, 要儘快補貨至得, 浸完之後在泥面挖掘小洞, 放入種子, 在種子面放上薄泥後噴水.
16/6/2014 第4日, 有一粒特快標出, 早晚淋水, 15號已見小白點無拍照
17/6/2014 第5日, 第一棵已有2塊菜葉, 其他有8-9粒陸續長出
18/6/2014 第6日, 生長得都幾快, 但中間的種子仍未見動靜
19/6/2014 第7日, 暫時有22粒發芽, 今朝早出左一陣太陽
可惜有2粒唔多夠腰力, 比心機頂住啊!
每日都隱手唔撥甩個外殼, 由佢自然生長.
另一邊位置用剩餘雞蛋白補充養份, 有無作用? 我都唔知架.
20/6/2014 第8日, 中間有4粒才開始發芽.
有2-3棵菜苗的腳根外露, 挑起泥土覆蓋時, 發現有非常幼細的線狀蟲在蠕動, 好似龍鬚糖的糖絲咁幼, 有時白色有時透明, 長度與一粒芝麻相約.
下圖星星上方是牙籤, 星星中心有2條蟲.
嚡! 唔係下話, 以為發芽生長順利, 耕種都唔係太難, 開心得實在太早了.
同日外出TST睇中醫後再到花虛買種子, 順便詢問園藝店鋪職員如何除蟲? 雖然介紹了有機除蟲劑, 但是, 我唔想落葯.
21/6/2014 第9日, 網上資料有說可能是有機泥未完全腐熟, 加上天氣潮濕容易助長線蟲生長, 有說蟲卵早在泥土或者堆肥中, 頭都大晒.
首先要知道是什麼蟲才能對証下葯, 而害蟲種類又實在太多, 仍未確定屬於什麼蟲的幼蟲下, 先改為晚上淋水一次, 避免泥土過份濕潤.
22/6/2014 第10日, 晚上試用大蒜水, 即使未能驅蟲除蟲, 至少可以給植物一些抗病菌的能力.
30g蒜頭切細加300ml水浸數小時, 隔渣後噴灑在泥面, 未用完的放入雪柜.
23/6/2014 第11日, 今天沒有淋水, 早上菜苗還健在, 翻泥檢查蟲蟲亦健在, 好似少左. 初步估計是黑翅蕈蠅, 幼蟲非常近似, 有說會吃腐根, 有說對植物無害不用理會, 但約7天幼蟲變成蟲後會飛來飛去交配再在泥中產卵.
27/6/2014 第15日, 由5月到依家機乎每日都落雨, 難得有短暫陽光
29/6/2014 辣椒水
辣椒40g, 200ml水, 攪碎隔渣, 混合蒜頭水每晚噴灑在泥面.
02/7/2014 第20日, 快高長大葉面無蟲咬, 依排又蒜頭水又辣椒水, 種緊蒜頭辣椒味嘅通菜, 收成時只需加些少鹽炒下就上得碟.
06/07/2014 第24日, 發現再有2粒種子發芽, 有無咁慢? 其他多數已經生長到20cm
08/07/2014 第26日, 得閒無事見幾日無揾蟲, 只係翻開近花盆邊泥土睇下, 因為2號响另一邊播左近70粒通菜種子, 睇好耐得一條蟲, 之前稍為撥開已經好多, 辣椒水真係得得地.
09/07/2014 第27日, 生長到22cm
10/07/2014 最早生長的葉開始發黃, 要去買粒肥追肥. 開始有幾隻好細隻蚊茲仔飛黎飛去, 比我消滅左.
11/07/2014 第29日, 今晚追肥, 加ASB有機粒肥後覆蓋些少泥土.
12/07/2014 今日有7、8隻蚊茲仔都比我做瓜晒, 再整辣椒水, 今年第2次見雨後雙彩虹
16/07/2014 第34日, 追肥後快速生長, 有28cm
20/7/2014 第38日, 快可以收割了, 但菜葉好像無別家種的寬闊, 才醒起通菜喜歡陽光及水, 但之前發現泥土有蟲後, 怕濕潤泥土助長肥蟲, 所以改為淋水一次, 這天開始早晚淋水, 希望可以長長菜. 追擊陽光, 除左窗台, 那裡有好陽光就放到那裡去.
21/7/2014 第39日, 收割前夕個樣
22/7/2014 第40日, 未計保留的菜腳, 收割後大部份有30cm
保留3-4cm菜腳, 追肥後再生長多2-3星期又可以收割
有44g, 即係1兩多少少
同場加映, 薑絲22條通菜, 第一次吃自家出品的蔬菜又開心又感動, 味道如何? 鮮嫩脆口. 可以講絕對優勝過百佳沙蓮娜, 亦勝過街市有機蔬菜.
本來有23條的, 但發現其中1條通菜的葉面葉底及菜莖都增生白根, 奇奇怪怪掉左唔敢食.
好犀利呀 ! 通菜你都識種 .
回覆刪除其實 . 見一條 殺一條 再加 大蒜水 . 效果可能會唔錯 ~ ^.^"
實在太多太細, 蒜水又殺唔屎@@
刪除你 d 通菜都大得好快 @@"
回覆刪除全靠依幾日晒下太陽^^
刪除