晨操早餐抽血後回家休息, 開爐火返熱薏米赤小豆果皮水, 因為化療副作用其中一個後遺症, 雙腳週不時都會水腫, 濕度高水腫機會亦較高, 離開廚房時忘記調效計時器提醒, 結果煲乾水直至聞到濃味都仲以為係鄰居出事, 懵到上心口. 仲有, 我家喜歡原鍋上桌洗少一隻碟, 食完飯收拾碗筷回廚房時至發現爐頭無熄火, 真係懵到去背脊, 2單都好危險, 我知!
下午見醫生睇驗血報告, 肝腎功能正常, 紅血球、白血球及血小板都剛剛好合格, CA125癌指數6(正常0-35), 手術前指數65, 手術後一個月指數19, 化療後指數5, 依家指數6, 希望繼續保持穩定. 手指腳趾麻痺、雙腳水腫、頭髮生長情況等等後遺症續一向醫生匯報, 亦查詢雙手手指出現退化問題, 醫生回覆化療唔會導致骨頭退化, 雖然物理治療師亦有講解要有一定時間才形成彈弓指, 但我始終覺得無直接都有間接關係的, 依家左右手各有2隻手指出現彈弓指, 每朝睡醒尤其僵硬無法握拳, 成因可能之前工作用老鼠勞損, 平時又喜歡拍手指鬆一鬆, 大姐話女仔人家整咩鬼拍手指? 總知拍左舒服晒, 點知舒服完就退化, 有拍手指壞習慣的人就真係唔好再拍喇.
網上發現有偏方醫治方法 "嚴浩秘方集~花椒治彈弓手", 內文提及根據丘博士的研究和經驗, 花椒可醫治彈弓手, 亦對神經系統和末梢神經都有治療改善作用. 好神奇好啱我, 要買來試試效果如何.
驗血報告叫做理想, 可以稍為放心, 但仍未敢鬆懈, 要早睡早起, 作息定時, 充足休息, 注意飲食, 保持開朗, 早午晚氣功, 首個目標5年.
係時候通知老爸老媽了.
心神恍惚係正常嘅... 最緊要一切安好 :)
回覆刪除通知老人家確係最為難... 你要加油喔！我緊貼你個網誌架，你有精神就 update 下我地喇 ^^
多謝您! 放心, 我精神唔錯架, 食得訓得, 為左愉快心情, 休息時我會追韓劇, 追完"星星"同埋"急診", 依家睇繄2004年出品"浪漫滿屋". ^^
刪除吓 ~ 我都好鍾意 "拍手指" 的 ...... 睇黎要戎啦 !
回覆刪除戎啦戎啦, 真係唔好拍喇.
刪除一切安好. good good good. 繼續保持. 繼續支持.
回覆刪除well well well 多謝您啊! ^^
刪除