昨晚, 參加一個家庭聚餐, 慶祝一位親人警務工作退休十年, 自家豐富海鮮邊爐宴, 有海班、聖子皇、鮑魚、赤米蝦、大墨魚、雜丸、雜菌、腸仔、南瓜、粟米、蘿蔔、豆腐、蔬菜、烏冬, 要準備17人食材, 洗切功夫都唔少, 辛苦了, 我和葉先生只幫忙食.
餐後有來自美國及韓國的草莓, 有澳洲手信糖果甜點, 有烹飪堂的點心, 大家傾下食下好開心, 還有生日蛋糕, 一個意想不到的生日蛋糕, 當看到蛋糕面上的朱古力牌時, 驚見有我的名字, 當下雙眼隨即充滿淚水, 無法言語, 好失禮.
我的生日願望: 祝各位親人個個身體健康.
韓國旅遊回來後隔天覆診日, 完成化療3個月後第一次見醫生, 心情唔緊張就假喇, 恍恍惚惚!
晨操早餐抽血後回家休息, 開爐火返熱薏米赤小豆果皮水, 因為化療副作用其中一個後遺症, 雙腳週不時都會水腫, 濕度高水腫機會亦較高, 離開廚房時忘記調效計時器提醒, 結果煲乾水直至聞到濃味都仲以為係鄰居出事, 懵到上心口. 仲有, 我家喜歡原鍋上桌洗少一隻碟, 食完飯收拾碗筷回廚房時至發現爐頭無熄火, 真係懵到去背脊, 2單都好危險, 我知!
剛在韓國旅遊時, 想吃的生菜包豬腳及生菜包豬肉都吃唔成, 因為葉先生反對我吃太多的肉, 唔健康咁話, 所以留左個額度吃韓式燒肉.
今次都買左芝麻葉返泥, 唔吃豬肉, 就改吃海鮮, 順便清下個冰格.
今次出門遊玩, 首選涼快的地方
因為頭髮生長慢, 只需要笠頂帽就行得, 真係好方便
假期及機票安排好後, 才發覺行程正好遇上註冊2X年紀念日
亦有可能遇上櫻花盛開週期, 如果觀賞得到滿開當然最好
明天出發首爾8天自由行, 早兩日已先來一個韓式涼麵熱熱身
**北韓個肥仔唔好又玩嘢呀**
