01/10/2013 化療第一針~第17天
每晚會醒2-3次, 主要係身體發熱而醒, 因為賀爾蒙改變加上現在化療葯物的影響, 其次係需要轉換睡姿而醒, 術後至今仍未可以隨意轉身, 但可以隨意在床上左左右右移動身體轉換涼快位置, 因為謹慎到不得了的葉先生怕睡眠時無意間踫撞到我的傷口, 及化療其間又為我著想減低感染細菌機會, 所以睡床睡房就給我獨佔了(這麼多年來, 試過半夜被睡夢中的葉先生拍打好幾次了, 我當然贊成); 雖然側睡未能持久, 但每天嘗試側多些少側耐些少地進步.
今日國慶午餐由我下廚~煎腐皮卷, 終於可以在廚房集中精神整東整西, 心情特別好, 當然會額外小心避免刀傷燙傷.
28/9/2013 化療第一針~第14天
最近早睡早起, 今日第3次到樓下公園晨操, 傷口拆釘剛好一個月, 仍然不定時扯扯下痛, 所以唔可以太劇烈, 先做些簡單動作, 即係阿婆式體操, 擺下手壓下腿拉下筋, 然後散散步慢慢行, 化療前做過2次晨操, 果時阿婆行得比我快, 依家差唔多咁啦; 晨早空氣特別好, 儘量多做吸吸呼換氣, 因為癌細胞唔愛帶氧環境, 較難生存, 而葉先生做完熱身去跑圈, 再過些日子應該可以一齊跑步.
吃完早餐回家小睡休息, 午餐仍然由葉先生下廚, 我在背後指手劃腳, 蒜香黑松露帶子天使麵, 材料簡單味道唔錯.
如常餐後小睡休息, 晚上洗頭沖涼時, 終於開始脫髪, 雖然早有心理準備, 但睇見滿手滿手頭髪時, 難免有點傷心失控, 流過淚的貓樣, 徙唔過葉先生的法眼.
29/9/2013化療第一針~第15天
22/9/2013 化療第一針~第8天
天兔襲港, 早上3號風球下到醫院抽血, 中午醫院護士來電通知驗血報告白血球合格, 不用多打2支升白針, 太好喇!
午餐藉口要特別慶祝一下, 吃煎蛋出前一丁, 試新口味黑蒜油豬骨湯, 普普通通, 還是最愛傳統麻油味.
24/9/2013 化療第一針~第10天
頭暈、無力、無胃口、喉嚨痛、渴睡、骨頭酸痛、已經捱過左, 早朝起身有精神, 竟然有種感冒病癒感覺, 一閃即逝, 還有慢慢長路要捱呢, 真好笑.
